Miratimi i amendamenteve në Parlamentin Evropian me 15 kushtet adresuar Shqipërisë, që kushtëzojnë procesin e celjes së negociatave, është komentuar gjatë ditës së sotme nga shumë politikanë të spektrit opozitar, që e konsiderojnë shuplakë që vjen ndaj qeverisjes së Ramës.
NJëri prej tyre, ish-deputeti Eduart Ndocaj, i spikatur për oponencën konstante ndaj kryeministrit, e ka konsideruar një “ditë të zezë”, pasi Shqipëria vazhdon të damkoset në arenën ndërkombëtare nga një kryeministër që më shumë se sa një faqezi, është një ogur i keq për shqiptarët që ende vazhdojnë të qëndrojnë të heshtur duke e mbajtur akoma në krye të qeverisjes së vendit.
Me një gjuhë të ashpër, ish-deputeti nuk ka kursyer akuza të shumta ndaj Edi Ramës, të cilin gjithnjë e etiketon si të lidhur me krimin dhe të kapur nga interesat klienteliste, ku me politikat e tij iu shërben karteleve të drogës.
“Në vitin 2013, kur erdhi në pushtet ky maskara, gjeti 9 kushte, ndërsa sot, pas 7 viteve qeverisje, Shqipëria ka 15 kushte për të realizuar si pjesë e procesit të integrimit, cka dëshmon dështimin dhe regresin e madh të qeverisjes së Edi Ramës”, – thekson ish-deputeti Ndocaj në videokonferencën e tij.
Më tej, Ndocaj ka shtuar se rruga e shqiptarëve është proamerikanizmi dhe se Rama, si një vegël qorre e Putinit, Erdoganit dhe Vucicit, nuk do ia arrijë të ndryshojë busullën orientuese të këtij populli, që prej shekujsh aspiron vlerat e qytetërimit perëndimor.
Në fund, Ndocaj u ka bërë thirrje shqiptarëve, të marrin fatin e tyre në duar, pasi gjatë këtyre 7 viteve Shqipëria ka rrezikuar s ëtepërmi duke patur në krye të qeverisë një psikopat që eksperimenton me vendin e tij, duke rrezikuar inteersat kombëtare.
