Nga Lirim NEZHA
Nuk më çudit aspak ideja kriminale e Edi Ramës për legalizimin e hashashit. Është një ëndërr e tij e kahershme. E bëri realitet ne vitin 2016.Vuri në sherbim të hashashizimit të Shqipërisë krejt policinë e shtetit bashkë me Ministrin e Brendshëm .
Dështoi? Aspak! Kur i dështoi ministri i parë,vuri një të dytë po aq të lidhur me krimin.Bëri gjithçka deshi përmes parave të drogës.Superprodhimin e hashashit e çoi në destinacione dhe tregje me ndihmën e hapur të policisë. Bleu zgjedhjet në vitin 2017 dhe filloi të kapë një nga një të gjitha institucionet,pasi më parë ekzekutoi Gjykatën Kushtetuese.
Ja pra,pse nuk më çudit aspak shakaja e tij e radhës. Kujdes,ai nuk bën shaka. Ai ka sot një parlament të sajuar me kukulla,ca të vetat e ca të dhuruara nga opozita,me të cilët mund të miratojë ligjet që do. Edhe legalizimin e hashashit.Dhe pastaj… Si mendoni ju,çfarë do të ndodhë pastaj? Mendoni se fermerët shqiptarë do të turren dhe do të orientohen në prodhimin e bimës dobiprurëse? Ju gënjen mendja.
Ai e ka gati skemën që,si në një hinkë,të mos lërë të shpëtojë asgjë që ka të bëjë me paranë. Ai do të zgjedhë kultivuesit,do t’i paisë me liçencë dhe ata do të prodhojnë të qetë. Ndërkohë nenet e kodit penal do të funksionojnë po njëlloj për të gjithë ata që do të guxojnë të mendojnë se u lirua. Gjithçka do të jetë në dorën e bandave të rilindjes. Është pikërisht kjo arsyeja që po nxiton ta bëjë realitet përpara se të largohet nga pushteti.
Ai po vepron edhe me këtë kartë si me të gjitha konçesionet dhe ppp-të. Ai po përpiqet të sundojë çdo segment të ekonomisë së ligjshme dhe të pa ligjshme të këtij vëndi të paktën edhe për 30 vitet që vijnë. Ai po tenton që përmes një amnistie fiskale dhe aferash me kulla të legalizojë paratë e pafundme të krimit,të çimentojë pasuritë e me to të rikthehet shpejt në pushtet.
Nuk janë fantazi të miat. Është ajo çka duket me sy të lirë në mexhlisin e politikës shqiptare.
