Kreu i Partisë Demokratike Lulzim Basha ka uruar festën e Pashkëve për gjithë besimtarët ortodoksë por edhe shqiptarët në tërësi duke u shprehur se lutjet e tij janë gjithë anëtarët e familjes tonë të madhe që përballen me virusin dhe pasojat e tij.
Basha ka publikuar një foto që sipas kryedemokratit është përgatitur nga vajzat e tij.
“Me urimin tradicional “Krishti u ngjall” dhe këtë foto të lepurushëve të Pashkëve përgatitur nga vajzat e mia, ju urojmë familiarisht të gjithë besimtarëve ortodoksë, nga mot Gëzuar!
Sot, urimet dhe lutjet tona të para, janë për të gjithë anëtarët e familjes tonë të madhe që përballen me virusin dhe pasojat e tij, për mjekët dhe infermierët tanë kurajozë e të palodhshëm, për të gjithë ata që shërbejnë me sakrifica të mëdha për të na mbrojtur dhe ndihmuar, për të gjithë shqiptarët në nevojë dhe shtrëngesë, për shërbëtorët e Zotit që me lutjet e tyre sjellin paqe e shpresë në shpirtin e çdokujt.
Zoti ju bekoftë ju dhe familjet e të dashurit tuaj! Zoti e bekoftë Shqipërinë!”, shkruan Basha.
Edhe kryeministri Edi Rama uron të gjithë besimtarët ortodoksë për festën e Pashkëve.
“Në këtë kohë të çuditshme tempujsh të kyçur, vijnë edhe Pashkët Ortodokse, pa kishat hapur por me Zotin pranë çdo familjeje që sonte feston. GËZUAR PASHKËT”, shkruan Rama në urimin e tij për besimtarët ortodoksë dhe ndan këtë foto:
