Një burrë ka tentuar të mbysë bashkëshorten e tij në gjumë, pasi dyshonte se ajo e tradhtonte.
45-vjeçari nga Bibbiano ka tentuar ta mbysë bashkëshorten e tij 40-vjeçare me jastëk, por ulërimat e kësaj të fundit kanë bërë që djali 14-vjeçar të zgjohej nga gjumi dhe t’i vinte në ndihmë nënës.
Teksa ka ndërhyrë për të shpëtuar nënën djali më pas ka lajmëruar policinë, të cilët bënë të mundur arrestimin e autorit.
Ngjarja ka ndodhur në fund të janarit, por masa kufizuese paraprake u dha të Shtunën me kërkesë të prokurorit Marco Marano.
Burri, i cili shfrytëzoi të drejtën për të mos u përgjigjur, aktualisht është nën arrest shtëpiak në shtëpinë ku jetonin si çift, ndërsa gruaja dhe djali i tij janë larguar në një vend tjetër dhe janë marrë në mbrojtje.
