Që në shpërthimin e koronavirusit, pati një sërë teorish konspirative, të përhapura më tepër në rrjetet sociale. Mirëpo, një televizion rus e ka shpërndarë një të tillë në një program lajmesh.
Sipas televizionit Channel One në Rusi, koronavirusi është i krijuar nga Donald Trump.
Sipas këtij televizioni, fjala corona do të thotë kurorë në latinisht dhe rusisht, dhe këtë e lidhin me figurën e presidentit amerikan. Po sipas këtij televizioni, kjo lidhje tregohet nga fakti se Trump u dorëzonte fitueseve të konkurseve të bukurisë kurorën.
Edhe pse në fakt shkencëtarët e emëruan virusin kështu, pasi forma e tij ishte në formën e një kurore.
Channel One shton se koronavirusi kinez është krijuar artificialisht, dhe se agjencitë e inteligjencës amerikane ose ndërmarrjet farmaceutike amerikane fshihen pas saj.
Po ashtu, duke cituar faqe online konspiracioni, ky televizion shprehet se koronavirusi prek vetëm shtetas aziatikë, dhe mund të jetë një armë biologjike etnike.
