Edhe pse vendi është ende në emergjencë natyrore për shkak të tërmetit të 26 nëntorit, partitë politike nuk kanë hequr dorë nga fondet që jepen nga buxheti i shtetit. Këtë të hënë KQZ ka ndarë 140 milionë lekë për 6 parti.
Komisioni Qendror i Zgjedhjeve ka miratuar këtë të hënë shpërndarjen e 140 milionë lekëve për partitë kryesore politike. Sipas tabelës PS përfiton rreth gjysmën e fondit, me rreth 63 milionë lekë ndërsa e dyta renditet PD me 39 milionë. Në listë janë përfshirë dhe Libra e PSD
Fondi ka për qëllim mbështetjen e aktiviteteve politike të partive përgjatë një viti.
Shpërndarja e fondeve
1. Partia Socialiste e Shqipërisë 63.417.047 lekë
2. Partia Demokratike 38.911.877 lekë
3. Lëvizja Socialiste për Integrim 20.012.797 lekë
4. Partia Drejtësi, Integrim dhe Unitet 7.447.477 lekë
5. Lista e Barabartë 4.841.667 lekë
6. Partia Socialdemokrate 5.369.137 lekë
/Ora News.tv/
