Partia Demokratike ka nisur një fushatë takimesh me biznesin për ti informuar mbi propozimet e rimëkëmbjen pas tërmetit por edhe për të diskutuar mbi efektet e paketës së re fiskale.
Anëtarja e kryesisë, Jorida Tabaku, e shoqëruar nga ish deputetë demokrat, ishte në një biznes fason, ndërsa tha se ekonomia po shkon në krizë për shkak se çdo taksë është rritur. Sipas saj, parat publike po u shpërndahen në mënyrë korruptive oligarkëve pranë qeverisë.
“Problemet reale janë rritja e taksave, tatim fitimi, tatim mbi të ardhurat personale, sigurimet shoqërore, shëndetësore e kanë çuar barrën e taksave të papërballueshme. 33% e të gjithë të ardhurave të biznesit janë taksat, ndërkohë që ka një rritje 200% të taksës së pronës, energjia elektrike është rritur me 60%”.
Tabaku thotë se Shqipëria ka nevojë për një shtysë në ekonomi, e kjo mund të garantohet vetëm në saj të programit që Partia Demokratike ka propozuar.
“Me uljen e tatime fitimit në 9%, tatim për të ardhurat personale, sigurimet shoqërore shëndetësore, taksë e sheshtë 9% është pritur mirë nga pronari por edhe punonjësit e biznesit”.
Krahas propozimeve për biznesin Partia Demokratike, ka kërkuar që për fazën e rindërtimit pas tërmetit, të anulohet koncesionet dhe parat e parashikuara të shkojnë në ndihmë të biznesit dhe qytetorëve.
