“Vonesat në stabilizimin e të demtuarve, varja e shpresës totalisht nga ndihmat dhe donacionet e huaja, pamundësia teknike e grupeve të emergjencës, mungesat logjistike dhe pamundêsia totale e shtetit për tu gjetur afër qytetarëve të vet”,-janë disa nga problematikat kryesore që kreu i legalistë shqiptarë, Shpetim Axhami ka listuar në deklaratën e sotme të shpërndarë nga zyra e shtypit e kësaj partie.
Në deklaratë, nënvizohet fakti i keqpërdorimit për qëllime propagandistike të tërmetit të datës 26 nëntor, ku makineria e propagandës proqeveritare, është përveçse e ulët, e neveritshme dhe e patolerueshme për gjendjen psiko-emocioanle të të prekurve nga tërmeti, të cilët e pohojnë vetë se e gjitha kjo është propagandë, por që në realitet është krejtësisht ndryshe.
Në përfundim të deklaratës, Axhami ka apeluar strukturat e tij të jenë në shërbim të të prekurve nga tërmeti dhe familjeve të tyre, pasi është koha për më shumë punë dhe sa më pak llafe”.
Ja postimi i plotë:
Tërmeti i 26 Nēntorit 2019, dëmet e shkaktuar prej tij, menaxhimi dhe situata para të cilës u vu shteti dhe qeveria shqiptare, treguan se sa të pambrojtur dhe sa perkujdesje ka kjo lloj qeverie për shtetasit e vet.
Vonesat në stabilizimin e të demtuarve, varja e shpresës totalisht nga ndihmat dhe donacionet e huaja, pamundësia teknike e grupeve të emergjencës, mungesat logjistike dhe pamundêsia totale e shtetit për tu gjetur afër qytetarëve të vet, vërtetuan, kjo për të ardhur keq, se kemi të bëjmë me një shtet kartoni, ku shtetarët kanë në plan të parë, të qeverisin për pasurimin e tyre dhe jo për mirëqenien qytetare.
Sipas verifikimeve tona akoma ka të dëmtuar të cilëve nuk ju është afruar asnjë ndihmë.
Aktivizimi i makinerisë propoganistike, gjoja sikur po bëhet nami, me vizita dhe takime cep më cep pa produktivitet, kanë bërë që shumica e të dëmtuarve të mbajnë sytë nga qielli, duke mos ju afruar ndihma e duhur.
Deri sot, nuk dimë ekzakt çfarë ndihme materiale konkrete ka dhënë vetë qeveria e jonë me VKM të posaçme, nga buxheti dhe rezervat e shtetit apo dhe me ndonjē kalkulim tjeter financiar ligjor të mundshëm.
Për PLL, kjo qeveri e ka të qartë atë që ka ndodhur dhe gjithashtu e di shumë mirë se situatën nuk e ka nën kontroll menaxhues, prandaj do të ishte në moralin e saj, në emër të qytetarëve të saj, të deklaroj publikisht pamundesinë dhe paaftësinë e saj për mos përballimin e situatën ku jemi.
Krahas pesë propozimeve të bëra në emër të opozites së bashkuar, ne mendojmë se ka dalë e domosdoshme, të ngrihet një komision i pavarur kombëtar i zgjeruar me ekspertë perkatës nga gjithë fushat, me pjesmarrje të gjërë, shoqëri civile, donatorë, komisjon i cili të merret me menaxhimin e kësaj situate.
Zgjidhja e kësaj situate, duhet të filloj të i jap fund qeverisjes prej aktorëve politik që kanë bërë, që ne si shtet, të jemi kaq të dobët para situatave tê tilla të shkaktuara nga fatkeqësitë natyrore (është edhe kjo një arsye e fortë).
Eshtë e turpshme për të gjithë dhe aq më tepër për qeveritarët, kryeministrin, tê shfrytezosh fatkeqësitë natyrore per kosto politike dhe për zgjatje pushteti qeverisës, sikur je “baba i kombit” që di gjithçka biles edhe termetin rrëzik e ndalon po të duash, ndërkohe kur vetë je tërmet shkatërrues.
Me këtë lloj menaxhimi situata dhe gjendja e të dëmtuarve do të vështirësihet prandaj;
Të gjithë në ndihmë të dëmtuarve me çdo formë dhe sipas çdo mundësie tënden që ke.
Grupi punës PLL.
