Deri në këto momente janë shënuar 39 viktima prej tërmetit të frikshëm që goditi Shqipërinë mëngjesin e 26 nëntorit me magnitudë 6.4 e shkallë Rihter.
Këtë shifër e konfirmoi kryeministri Edi Rama gjatë mbledhjes me qeverinë mëngjesin e sotëm, teksa deklaroi se ka ende banorë të mbetur në çadra.
“Njerëzit nuk kanë asnjë disponim të lëvizin me gjithë të drejtën dhe natyrshmërinë e kësaj qasje se duhen parë që të përcjellin të humburit, numri i të cilëve ka arritur 39. Ndërkohë që mbrëmë për ata është garantuar mikpritja nga shërbimet hoteliere në Shëngjin”, tha Rama.
Dëmet e tërmetit ishin katastrofike i cili la pas viktima qindra të plagosur dhe dëme të shumta materiale. Ndonëse, jetët e humbura nuk mund të rikthehen më, pas kalimit të situatës aktuale qindra familje do të përballen me mungesën e një strehe, pasi banesat e tyre u shembën.Solidariteti ka qenë i jashtëzakonshëm nga shoqëria vendase dhe ajo e huaj.
