Kosova ka qenë një nder shtetet të cilat është treguar e gatshme t’i vijë në ndihmë shqiptarëve të cilët janë prekur nga tërmeti i fuqishëm.
Qytetarë të shumtë në Prishtinë kanë filluar të mbledhin para dhe ndihma të ndryshme në mbështetje të viktimave të tërmetit në Shqipëri.
Në një video të publikuar nga Zëri i Amerikës, shihen qytetarët e Prishtinës të cilët solidarizohen duke mbledhur ndihma për familjet e prekura nga tërmeti i cili shkaktoi 18 viktima dhe një numër të madh banesash të shembura.
Presidenti i Kosovës, Hashim Thaçi ka shpallur ditën e mërkurë ditë zie në Kosovë në nderim të viktimave që humbën jetën nga tërmeti i fuqishëm që goditi sot Shqipërinë./CNA.al
