Shembja e “Murit të Berlinit” ,30 vite më parë, si një ngjarje madhore që ka përcaktuar diskursin politik të vendeve komuniste, është kujtuar sot dhe nga politika shqiptare, ku spikat mesazhi i kreut të Legalistëve shqiptarë, Shpetim Axhami, i cili, atë moment epokal të tre dekadave më parë e sheh si referim dhe apelacion për shembjen e mureve të reja të krijuara si pasojë e politikave të ngurta dhe mungesës së bashkëpunimit, që cojnë në ndarjen fizike dhe botëkuptimore të trajtimit me përgjegjësi të situatave.
Në mesazhin e tij, Axhami, duke kujtuar rëndësinë që solli shembja e “Murit të Berlinit”, kërkon që, brezat të gjenjë tek ai moment, frymëzimin e tyre për të jetuar të lirë, pasi, “shembja…”, para së gjithash solli triumfin e lirisë mbi izolimin.
Ja mesazhi i plotë:
Sot, 30 vjet më parë, me rrëzimin e Murit të Berlinit, liria fitoi mbi izolimin, të drejtat e njeriut dhe e drejta e bashkimit të një kombi të ndarë padrejtësisht, triumfuan mbi gjithçka. Në një qytetërim modern duhet të shemben jo vetëm muret e ndarjes fizike, por duhet të shemben edhe muret e ndarjes të bashkēpunimit në përgjithësi. Bota është një dhe kushdo ka të drejtë të jetē pjese e lirë e saj.
