IPKO Superliga e Kosovës vjen nesër me përballjen derbi të javës së 13-të, ku takohen Feronikeli dhe Ballkani, shkruan BlicMedia.
Para kësaj sfide tejet të rëndësishme në një prononcim për BlicMedia ka folur ndihmës trajneri i Ballkanit Agim Maliqi.
“Ne udhëtojmë në Drenas që të përballemi me kampionin aktual. Shpresojmë që do jetë një lojë e mirë ku do të kënaqen edhe tifozët”, ka thënë fillimisht Maliqi.
“Skuadra e jonë është e kompletuar, nuk kemi mungesa në përberje. Do të shkojmë në Drenas si në cdo ndeshje tjetër pa presion, te luajm lojën tonë dhe shpresojmë në një rezultat të mirë, por sidoqoftë të jetë një ndëshje derbi e ti kënaqim shiquesit”.
“Treneri Ismet Munishi ka thënë në fillim të kampionatit se do mundohemi ta bëjmë një lojë të mirë si ekip
prandaj shpresojmë se kemi arritur ta bëjmë atë lojë. Urojmë dhe shpresojmë në një lojë fer dhe korekte. Besojmë që të ghithë ata që do jenë në stadium dhe ata të cilët e përcjellin përmes televizionit të mbeten të kënaqur me lojën”, ka deklaruar Agim Maliqi.
Feronikeli – Ballkani, luhet nesër (e shtunë) në stadiumin “Rexhep Rexhepi”, në Drenas, me fillim nga ora 13:00. /Blicmedia.net
