Muajt e vjeshtës, janë tepër stresuese për disa nga njerëzit të cilët e përjetojnë keq periudhën e kalimit nga pushimet në punë. Dhe kjo periudhë na shkakton ndryshime në trup, fytyrë apo flokë. Zakonisht stresi shoqërohet me rënien e flokëve, që në shumë raste kthehet në një tjetër problem shqetësues. Edhe pse mund ta kemi vënë re që pas një situate të vështirë na kanë rënë flokët, asnjëherë nuk e kemi kuptuar pse ndodh kjo gjë.
Sipas ekspertëve sa herë që trupi ynë kalon një stres të rëndë, gjaku dhe ushqimi kalojnë tek organet vitale si zemra, mushkëritë, truri etj, duke i lënë flokët të thatë. Për këtë shkak flokët fillojnë të bien dhe nëse kjo gjë nuk trajtohet mund të shkaktojë rrallim të flokëve apo dëme të pariparueshme.
Prandaj çdo lloj stresi sado i vogël ka një ndikim të drejtpërdrejtë tek flokët tuaj. Çfarë duhet të bëni?
Duhet t’i kushtoni më shumë rëndësi dietës ushqimore, lodhjes në punë, gjumit dhe pirjes së duhanit, pasi këto janë disa nga shkaktarët kryesorë që sjellin stres dhe më pas të tilla probleme me flokët tuaj.
