Ish-kapiteni i Argjentinës, Hugo Gatti ka një sugjerim të çmendur për bashkatdhetarin e tij, Lionel Messin.
Ish-portieri i Boca Juniors, thotë se Lionel Messi duhet të transferohet nga Barcelona te rivalët e tij Real Madrid, në mënyrë që të dëshmojë se ai është lojtari më i mirë në histori.
Gatti sugjeron që Messi nuk do të jetë në gjendje të konkurrojë me Cristiano Ronaldo-n, Diego Maradonën dhe Pele-n pa e provuar veten në një klub tjetër.
“Duket sikur unë jam anti-Argjentinas, por derisa Messi të luajë në ndeshje të mëdha, ai do të vazhdojë të jetë lojtar i ndeshjeve në shtëpi”, tha Gatti në emisionin televiziv ‘El Chiringuito de Jugones’.
“Ai duhet të ketë “topa” për të shkuar te Real Madrid dhe të dëshmojë gjithçka atje siç bëri Cristiano Ronaldo. Përndryshe ai do të jetë vetëm një lojtar i zakonshëm.
“Cristiano shkoi në klubin më të mirë në botë. Messi luan në shtëpi, në fushën e tij me komoditetin që të ofron shtëpia.
“Lëreni atë të luajë në Ligën e Kampionëve dhe Kupën e Botës, përndryshe ai gjithmonë do të jetë një lojtar si gjithë të tjerët. Kur të performojë atje, ai do të luftojë me Johan Cruyff, Diego Maradona dhe Pele.
“Messi performon kur ata e lënë të performojë. Është shumë e lehtë të luash me komoditetin dhe favorin që të ofron shtëpia jote”, përfundoi ai.
75-vjeçari i referohet mungesës së suksesit të Messit në skenën ndërkombëtare si një faktor kundër tij.
Kujtojmë që Messi tashmë në moshën 32-vjeçare ka fituar 5 “Topa të Artë” duke shënuar 608 gola dhe regjistruar 247 asistime në vetëm 695 paraqitje për Barcelonën në të gjitha garat në karrierën e tij.
