Nga Bashkim Koçi
Tashmë edhe më skeptikët janë bindur se misioni Basha për kthimih e moralit në politikë është një betejë e fituar prej tij në rrafshin e opinionit publik.
Evidente nga dita e parë e përballjes me “amoralitetin” politik rilindas është fakti që ; Basha nuk e konsideroi kurrë moralin në politikë si një koncept të shprehjes për të fituar politikisht, por si një vlerë humane e cila shërben në ngritjen e vetëdijes kolektive drejt të mirës së përbashkët, e mëshiruar kjo më së miri në dy kontratat me artistët për mbrojtjen e Teatrit dhe kontratës me banorët e Unazës së Re.
Por kontratën më të madhe Basha e ka firmosur me popullin shqiptar, pasi ka treguar që në krye të herës se nuk do të bëjë kurrë kompromis me amoralitetin politik.
E nisi misionin e tij me “Dekriminalizimin” në Parlament. Kthimi i moralit politik në atë sallë ishte fitorja e parë në luftën e gjatë ndaj së keqes morale që po mbillej në politikë.
E vazhdoi me denoncime pa fund të aferave korruptive të çdo niveli që çuan në shkarkimin e dy Ministrave të brendshëm.
Me çuarjen në Parlament të ligjit për vetingun e politikanëve.
Me nxitjen e vazhdueshme të reformës në drejtësi.
Me nxjerrjen lakuriq para shqiptarë të gjithë skemës amorale të shitblerjes së votës.
Më evidentimin dhe denoncimin e çdo amoraliteti politik në përzjedhjen e kandidaturave për Kryebashkiakët monist, për të kulmuar me aktin moral të djegjes së mandateve.
Në sallën e Parlamentit nuk mund të kishte më vend për moralen dhe amoralen.
Misioni “Basha” për kthimin e moralit në politikë u përkrah bindshëm nga shqiptarët në 10 protestat e mëdha kombëtare dhe refuzimin me 85% të zgjedhjeve farsë në 30 Qershor.
Basha e ka formëzuar tashmë misionin e tij.
Ai shihet si politikani ideal i prirur të kthejë nevojën e popullit në mirëqenien e përbashkët të shoqërisë për të gëzuar autoritet ekzistencial në formën e tij më të përkryer. Shihet si politikani ideal me vlera të moralit politik që do të përforcojë shtetin e së drejtës në funksion dhe interes shoqëror, duke u bazuar në standardin e udhëheqjes së mirë morale, ligjore, respektimin e lirive dhe të drejtave të njeriut dhe të qytetarit, ngritjen e vetëdijes kombëtare.
Mungesa e deritanishme e të moralshmes në politikë ka krijuar anarki morale dhe shumë të panjohura dhe të papritura, nga kriminelët në parlament, bashki, administratë e deri tek metodat narkoshtet të operimit elektoral..
Politika duhet të rishqyrtoi vazhdimisht raportin e saj me moralin. Basha ka treguar se nuk do rreshtë kurrë së luftuari për ti kthyer moralin politikës. Atë moral të nëpërkëmbur dhe shpërfytyruar nga mendësia politike e atyre që bëne pakt me të jeqen, atë moral që krijoi një mosbesueshmëri politike të paparë deri më sot, ku çdo muaj amoraliteti politik na shfaqej me fytyrën e një personazhi të përzier me llumin.
Misioni Basha duket të prihet në krijimin e një baraspeshe të qëndrueshme mes moralit dhe politikës.
Janë një numër përcaktimesh morale, të cilat kanë marrë vlerë në artikulimin politik të Bashës dhe në aksionin opozitar të tij.
Dekriminalizimi i politikës dhe administratës, mbajtja e premtimit, shmangia e gënjeshtrës dhe mashtrimit, mbrojtja e interesit qytetar, konsensusi për tema të interesit nacional, respektimi i raporteve reale që sjell rezultati zgjedhor i pranueshëm, ruajtja e sistemit të vlerave kombëtare duket që do përbëjnë bëtrthamën e moralit politik me të cilin Basha do udhëheqë nesër vendin.
Shoqëria demokratike e ka të nevojshme moralin në politikë. Basha duket që e ka mision kthimin e këtij morali dhe gjasat janë që qytetarët po e mirëpresin e mbështedin këtë mision.
