Pas lajmit nga KQZ për hapjen e 11 kutive për votimet e 30 qershorit në bashkinë Lezhë, ankimuesi Eduart Ndocaj, ka ndarë një mesazh inkurajues për votuesit e tij, duke siguruar se ai nuk do lejojë që lezhë të bjerë në duart e një bande plackitësish dhe hajdutësh, sic cilësoi ai, rivalin e tij fitues.
Përmes një mesazhi të shpërndarë në rrjetet sociale, Ndocaj, paralajmëron se në vijim do të mësojmë batërdinë që është me votat e lezhianëve, pasi një shpurë kriminale, ka arritur të manipulojë verdiktin e votuesve, duke e cuar rezultatin në favorin e tyre, por një gjë të tillë, lezhianët nuk mund ta pranojnë, sepse fisnikëria e banorëve të kësaj treve, dëshmohet me qëndresë dhe rezistencë të papeur historike, duke mos e pranuar asnjëherë nënshtrimin.
Ja mesazhi që Ndocaj ndan me ndjekësit e tij:
Të dashur bashkëqytetarët e mi lezhianë!
Sot, KQZ-ja e ndodhur përballë provave të pakontestueshme, pranoi kërkesën tonë për hapjen e 11 kutive të KZAZ-ve 12 dhe 13 për votimet e datës 30 qershor për kryetar të bashkisë Lezhë, duke legjitimuar kështu faktin e vjedhjes së votave nga banda e Pjerin Ndreut dhe shpurës së tij kriminale.
Unë, i jam imponuar garës së 30 qershorit, duke patur besim në shenjtërinë e votës së lirë të qytetarëve, por asnjëherë nuk e kam anashkaluar faktin se rivali im, i njohur si një bandit dhe i shpallur botërisht nga gazeta gjermane BILD si një person me ndikim negativ në manipulimin e votave, do të bënte cdo përpjekje për të vjedhur votat, pasi me votë të lirë, ai, kurrë s’do arrijë të fitojë, sepse Pjerin Ndreu është një humbës serial duke mos njohur asnjëherë shijen e fitores dhe si i tillë, ai do bënte atë që di të bëjë më mirë, hajdutin dhe cubin.
Me hapjen e 11 kutive, do mësojmë se c’batërdi kanë bërë mbi votat e lezhianëve, banda e Pjerin Ndreut me shokë, të cilët mendojnë se mund ta administrojnë Lezhën me trysni dhe shantazh.
Nuk kishte ndodhur asnjëherë që në Lezhë të fitojë një individ pa program, pa mbështetje, pa ide, pa vizion dhe pa karakter, sic është Pjerin Ndreu, ndaj dhe inkurajoj bashkëqytetarët e mi, të vazhdojmë të denoncojmë dhe të bëjm ëpublike cdo makinacion që është përdorur nga kjo bandë duke vjedhur vullnetin e lirë të lezhianëve, të cilët tjetër kund e kanë nisur votën e tyre, dhe tjetër kund ka dal sipas rezultateve të kamikazve politik të emëruar si komisionerë dhe numërues nga Pjerin Ndreu.
Bashkë do ia dalim, pasi Lezhë e do demokracinë dhe si e tillë, ajo s’mund të nënshtrohet nga plackitës dhe hajdutë që duan të bëhen administratorë të jetës ekonomike, sociale dhe politike të një qyteti dhe të një krahine që shquhet për qëndresën e saj historike.
Miqësisht, Eduart Ndocaj
