Kanceri i pankreasit është një nga format më agresive të tij. Shumica e pacientëve që nuk e trajtojnë, vdesin 2 ose 4 muaj pas diagnozës. Fatkeqësisht, vetëm 10 për qind e pacientëve kanë rezultate pas kimioterapisë, por me efekte anësore shumë të rënda.
Kurkuma, përbërësi me ngjyrë i turmerikut, duket se ka fuqinë që të kurojë ndryshimet parakancerogjene në kancerin e zorrës dhe, sipas studimeve laboratorike, është efikas edhe kundër qelizave kancerogjene të mushkërive. Rezultate të ngjashme janë parë edhe te qelizat kancerogjene të pankreasit.
Atëherë, përse të mos e përdorim kurkumën për trajtimin e pacientëve me kancer të pankreasit? Në një studim të kryer në Qendrën e Kancerit MD Anderson dhe të financuar nga Instituti Kombëtar i Kancerit, pacientëve me kancer të avancuar në pankreas, iu dhanë doza të mëdha kurkume.
Nga 21 pacientët që kishin zgjedhur studiuesit, dy prej tyre iu përgjigjën pozitivisht trajtimit. Njëri pati një reduktim prej 73 për qind të masës tumorale, edhe pse po në atë vend, iu zhvillua një tumor i ri që rezultoi rezistent ndaj kurkumës.
Megjithatë, pacienti tjetër tregoi një përmirësim të qëndrueshëm gjatë një periudhe tetëmbëdhjetë mujore. Hera e vetme që vlerat e kancerit filluan të rriteshin, ishte gjatë një periudhe të shkurtër 3 javore kur u ndërpre terapia me kurkumë.
Po, është e vërtetë që vetëm kanceri i dy pacientëve nga 21 të tillë reaguan, por ky rezultat është i njëjtë me trajtimin e kimioterapisë, dhe nga përdorimi i kurkumës nuk rrjedh asnjë efekt anësor. Për këtë arsye, pacientëve me kancer në pankreas do t’ju sugjeroja kurkumën, pavarësisht nga trajtimet e tjera që zgjedhin të bëjnë.
