Nga, Erl Kodra/
Todd Wood i Washington Times shtron pyetjen nëse Mike Pompeo dhe Donald Trump drejtojnë realisht Departamentin e Shtetit. Pyetja e tij është e drejtë, por unë mendoj se ajo është një pyetje retorike.
Po, saktësisht Presidenti i SHBA Donald Trump dhe Sekretari i Shtetit Mike Pompeo janë në krye të politikës së jashtme amerikane. Të dyshosh për këtë është thjesht e pasaktë. Është fakt se në SHBA ka një përçarje të madhe politike, sidomos për ata që nuk po e pranojnë se Presidenti është Donald Trump. Kundërshtarët e Presidentit gjenden gjithandej, me shumicë tek demokratët, por ka të tillë edhe mes republikanëve. Presidenti Donald Trump me politikat e tij ka çoroditur përfundimisht skenën e politikës ndërkombëtare të SHBA-ve, ajo politikë ka ndryshuar qëndrimin ndaj Bashkimit Europian në përgjithësi, qëndrimin amerikan ndaj Gjermanisë, qasjen amerikane ndaj NATO-s, politikën amerikane ndaj konfliktit sirian, ndaj vendeve arabe, ndaj fqinjëve amerikano-latinë, ndaj Turqisë, Kinës, Rusisë, Koresë së Veriut dhe Iranit. Shkurt dhe përfundimisht, presidenca e Trump ka prishur politikën tradicionale të Departamentit të Shtetit ndaj botës, që zakonisht ka qenë konstante dhe konservatore, pavarësisht ndryshimeve të Presidentëve në Shtëpinë e Bardhë. Po ashtu, presidenca e Donald Trump nuk ka arritur të ndërtojë një politikë të jashtme amerikane të konsiliduar, ajo është akoma në ndërtim dhe kaos.
Po të shohësh hierarkinë e strukturës në Departamentin e Shtetit, ekzekutuesi i politikave amerikane është Sekretari Mike Pompeo. Pas tij vjen Philip T. Reeker, Ndihmës Sekretari i Shtetit (për Euro-Azinë, sepse çdo rajon i botës ka ndihmës sekretarin e vet), dhe pas kësaj vijnë Zëvendës Ndihmës Sekretarët, që janë disa të tillë, mes të cilëve është edhe Zv. Ndihmës Sekretari Matthew Palmer, i cili mes të tjerash merret edhe me Shqipërinë.
Përmbledhtas, kemi këtë hierarki që drejton Politikën e Jashtme të Shteteve të Bashkuara të Amerikës:
-Donald Trump, President (orienton politikat e jashtme globale)
-Mike Pompeo, Sekretar Shteti (drejton dhe zbaton Politikat e Jashtme të SHBA-ve, të hartuara nga Presidenti)
-Philip Reeker, Ndihmës Sekretar Shteti për euro-azinë (mbikqyrë Politikat e Jashtme për rajonin euro-azi)
-Matthew Palmer, Zëvendës Ndihmës Sekretar Shteti (zbaton Politikat e Jashtme për rajonin)
Shkurt, Philip Reeker dhe Matthew Palmer janë dy njerëzit që zbatojnë politikën e Mike Pompeo për euro-azinë. Sekretari Pompeo orienton dhe zbaton politikat e Presidentit Donald Trump.
Me të drejtë gazetari Todd Wood pyet se kush e drejton Departamentin e Shtetit, çfarë politike dritëshkurtër është një qasje e tillë ndaj një rajoni me probleme të thella korrupsioni dhe krimi, veçanarisht qëndrimin e Departamentit të Shtetit ndaj Kryeministrit Edi Rama, i cili bashkëpunon hapur me kriminelë dhe kryen krime njësoj si ata. Por Todd Wood harron dhe nuk pyet se cila është politika e Presidentit Donald Trump ndaj Ballkanit dhe Europës.
–
Me sa duket, askush nuk e di saktësisht se cila është kjo politikë amerikane. Luhatjet, tërheqjet, paqartësitë kanë sjellë kaos. Aq evidente është kjo sjellje e pakuptimtë e Departamentit të Shtetit, sa personazhe si Matthew Palmer ngjajnë si personazhe alien, të ardhur nga ndonjë univers paralel. Kjo luhatje nga politika trandicionale, të ndjekur tradicionalisht nga të gjithë Presidentët të SHBA-ve ka mbjellë huti mes qytetarëve shqiptar, duke e lëkundur thellë besimin e tyre tek SHBA-të si demokracia më e madhe në botë.
Pallavrat me George Soros që rezulton të jetë miku personal i Edi Ramës, i cili është edhe armiku personal i Presidentit Donald Trump, jo domosdo është autori i kaosit në Departamentin e Shtetit. Minimalisht, sipas kësaj llogjike që nuk bindë, Edi Rama duhej të ishte goditur me kohë nga Departamenti i Shtetit, Sekretari Pompeo, dhe nga “turpi i njerëzimit”, Presidenti Donald Trump. Për më tepër, kur Edi Rama është kreu i një Organizate Kriminalo – Terroriste të instaluar në zyrat e Shtetit Shqiptar. Për më tepër, kur Edi Rama, njësoj si Kim Jong Un po zhvillon zgjedhje njëpartiake, duke e çuar vendin në prag të luftës civile.
Shqipëria dhe shteti shqiptar janë një çmim i jashtëzakonshëm që të paguhet për bythën e një derdimeni si Edi Rama.
Shqipëria dhe lidhjet e jashtëzakonshme shqiptaro-amerikane thjesht janë të paçmuara për të dyja vendet.
Qartësisht dhe absolutisht këtu ka diçka tjetër më të madhe, por edhe më të ndyrë. Qartësisht, pazari me territore të Kosovës është loja. Zakonisht punët e ndyra kryhen nga ndyrësirat. Dhe padyshim që Edi Rama është i tillë.
