Të dashur miq dhe mikesha.
Sa për info: Unë nuk jam islamofob e as krishterofob. Thjesht nuk besoj në dogma kvazi hyjnore që kanë prodhuar historikisht dhe vazhdojnë të prodhojnë aktualisht lumej gjaqesh.
Në të njëjtën kohë nuk ia ndaloj askujt të drejtën për të besuar në përralla dhe për të qenë idiot, sepse A. nuk jam diktator dhe B. e drejta për të qenë idiot jo vetëm që nuk është e ndaluar, por edhe është e garantuar me ligj dhe me të gjitha konventat universale për të drejtat e njeriut.
Mirëpo në momentin që besimi në Perendi shkakton gjakderdhje nga duart e bashkëkombësve të mi në Irak, Libi e Siri, ndërsa Kosovën e shndërron në Kandahar në vend se në Kaliforni, atëherë për mua nuk ka dilemë se si duhet të veproj.
Ju garantoj se në të njëjtën mënyrë dhe masë do e kritikoja çdo formë të ekstremizmit fetar dhe politik që e do e rrezikonte rrënjën dhe trungun kombëtar, e sidomos jetën e njerëzve kudo në botë.
Dallimi ndërmjet neve që jemi jashtë politikës dhe atyre që janë brenda është se ne nuk bëjmë kompromise me vlerat njerëzore, kombëtare dhe universale për shkak të preferencave dhe kalkulimeve të politikës ditore .
Unë zonja dhe zotërinj nuk e kritikoj vetëm Vetëvendosjen në këtë pikë, përkundrazi.
Nëse e keni lexuar me kujdes shkrimin tim të fundit aty e them qartë :
Citat:” Vetëvendosje nuk e ka sjellur, mbjellur dhe përhapur islamin ekstrem në Kosovë dhe as nuk ka bërë allashveresh biznesor me të. Prandaj me këto veprime irracionale, vetëm sa po e merr barrën e huaj mbi supe.
Kalkulimi se përmes mos distancimit të prerë zyrtar nga islami ekstrem do merr më shumë vota në taborrin islamik, se sa që do humb në taborrin sekular është matematikë e gabuar”, fund i citatit.
Tentimi i disa individëve për t’a zbehur argumentin tim racional përmes etiketimit, kualifikimit dhe klasifikimit të të gjithë individëve në islamofob që pajtohen me mendimin tim, i kualifikon në fakt të njëjtit në diçka që unë s’ dua t’a emërtoj, sepse jam i bindur se të njëjtit do vetëdijësohen vetëm nëse e gjejnë vet përgjigjen.
Pra unë s’dua t’a pagëzoj me asnjë emër qasjen e tyre skurrile ndaj këtij fenomeni të rrezikshëm, sepse dua t’ia jap shansin çdo individi të verbuar nga preferencat politike dhe fetare për të reflektuar një herë në jetë edhe përmes aktivizimit të trurit, e jo si deri me tani vetëm përmes aktivizimit të muskujve.
Sepse vetëm në atë mënyrë do bëjë në kokat e tyre diçka klik dhe pastaj volumi i trurit garant nuk do të mbetet i vogël sa një kikirik.
