Zgjedhjet e 30 qershorit për pushtetin lokal, po marrin një dimension rivalizues të paparashikuar, pasi në bashki të veçanta kjo garë tashmë njeh pothuajse dhe kandidatët zyrtarë të saj, duke e bërë mjaft interesante ballafaqimin dhe përplasjen e alternativave që ofrohen.
E tillë është dhe gara për kreun e bashkisë Lezhë, ku krahas kandidatit socialist Pjerin Ndreu, i prezantuar prej kohësh, dje është zyrtarizuar dhe kandidatura e Aleancës Demokristiane për këtë bashki, duke i dhënë garës elektorale një dinamikë të fuqishme, e cila pritet të ketë surpriza të mëdha.
Sekretari i Përgjithshëm i kësaj force politike, Eduart Ndocaj, përmes rrjeteve sociale ka njoftuar ndjekësit e tij, ka bërë publike regjistrimin në KQZ si kandidati zyrtar i Aleancës Demokristiane për kreun e bashkisë Lezhë në zgjedhjet e 30 qershorit 2019, duke e shoqëruar njoftimin e tij me shënimin e mëposhtëm:
Beteja kundër të keqes që ka mbuluar Lezhën, sapo fillon! Lezhianët, s’do bashkohen, as me hajdudët aktualë të PD dhe as me mafian e PS! Bashkohuni me njerëzit e ndershëm e punëtorë! Votoni Eduart Ndocaj për kryetar bashkie Lezhë!
