Sekretari i Përgjithshëm i Aleancës Demokristiane, Eduart Ndocaj, përmes një video-komunikimi, ka ashpërsuar tonet ndaj arbitraritetit të kryebashkiakut Veliaj, i cili gjoja përmes “projekteve” të tij për zhvillimin e Tiranës, po shkatërron dhjetëra e dhjetëra shtëpi banimi, duke flakur në rrugë familje të tëra dhe duke mos bërë asnjë dëmshpërblim për dëmet që po u shkakton.
Ndocaj ka evidentuar karakterin rrugacëror të qeverisjes aktuale, e cila përmes formave bizantine po synon të shtypë dhe të mbajë të trysnuar cdo shkëndijë opozitarizmi apo dhe cdo mendim qytetar që nuk është në harmoni me qeveritarët.
Për këtë fakt, Ndocaj ka sjellë rastin e një incidenti të ndodhur në qytetin e Lezhës, ku inspektorët e OSHEE së këtij qytetit i janë turrur të atit të tij duke e arrestuar pa asnjë shkak, por thjeshtë si formë presioni ndaj kandidaturës së z.Ndocaj, i cili me ide dhe programe konkrete synon fitoren e tij në bashkinë Lezhë, por nga kandidmi i tij ndjehet i rrezikuar kandidatura socialiste që është Pjerin Ndreu.
Përmes këtij video-komunikimi, “kaubojsi” ka përcjellë dhe një mesazh të rëndësishëm për qytetarët shqiptarë, ndaj të cilëve ka apeluar që ka ardhur koha të marrin fatet e tyre në duar, duke përzënë me cdo formë këtë farë bastardësh që po qeverisin vendin.
Ndiqeni të plotë video-komunikimin:
