Aktori Mehdi Malkaj ishte pjesë e protestës kundër ndërtimit në Zvërnec përpara Kryeministrisë.
Malkaj i bëri thirrje qytetarëve në protestë të rezistojnë përballë pushtetarëve që kanë shkelur popullin me këmbë.
Ai bëri dhe një thirrje kryeministrit Rama, nëse qëndron akoma në zyrë, mjerë ai.
Mehdi Malkaj: Unë mundohem me mish e me shpirt tu fal dashuri. O njerëz kudo ku jeni hajdeni këtu se ka dashuri pa hesap. Më tha njëherë që ai për kryeministrin, e ka ndarë mendjen që do e prishi teatrin. Unë i thashë pse ti nuk e ndan mendjen që të mos e prishi.
Nëse e ndan mendjen që do rri akoma, mjerë ai. Do bëhet gjithmonë siç thoni juve, nuk diskutohet. Ç’kam konstatuar unë gjithë këto vite.
Populli shqiptar është i shtrirë barkas, dhe mbi shpinën e tij kanë fshirë qelbësirllëqet e tyre të gjithë ata që kanë qenë pushtetarë. Duhet të qëndrojmë në këmbë. Në këmbë. Dhe të kalojnë ata dhe të fshijmë ne këpucët mbi kurrizin e atyre qelbësirave.
Të dashur miq, e keni vënë re është parcela parcela. Po e shet tjetri Shqipërinë si do ai. Shqipëria është pronë e shqiptarëve. Është prona jonë. Ne duhet të kujdesemi për atë. Mos të shikojmë rrugeçërit qelbësirat. Kështu janë. Kanë shkelur me këmbë një popull të tërë. Do bëjmë ne, si duam ne”, tha i emocionuar aktori Mehdi Malkaj.
