Strukturat e hetimit të trafikut dhe narkotikëve të Drejtorisë Vendore të Policisë Gjirokastër kanë referuar materialet në Prokurori dhe kanë nisur procedimin penal ndaj dy shtetasve, të cilët u kapën me lëndë të dyshuar narkotike në pikën kufitare të Kakavijës.
Sipas njoftimit të Policisë së Shtetit, procedimi penal ka nisur për shtetasin E. N., 31 vjeç, banues në Tiranës dhe për shtetasen V. B., 32 vjeçe, banuese në Shteteve të Bashkuara të Amerikës.
Gjatë kontrollit të ushtruar në Pikën Kufitare të Kakavijës, në dalje të Republikës së Shqipërisë, shtetasit u konstatuan me sasi të lëndës së dyshuar narkotike cannabis. Konkretisht, shtetasit E. N. iu gjet një sasi cannabisi në automjetin me të cilin udhëtonte, ndërsa shtetases V. B. lënda narkotike iu zbulua gjatë kontrollit fizik.
Sasitë e lëndës narkotike u sekuestruan në cilësinë e provës materiale, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme hetimore.
Njoftimi i i plotë:
Drejtoria Vendore e Policisë Gjirokastër
Specialistët për Hetimin e Trafiqeve dhe Narkotikëve referuan materialet në Prokurori, ku nisi procedimi penal për shtetasit:
-E. N., 31 vjeç, banues në Tiranë, pasi në PKK Kakavije, në dalje të RSH-së, iu gjet në automjet, një sasi Cannabisi;
-V. B., 32 vjeçe, banuese në ShBA, pasi në PKK Kakavije, në dalje të RSH-së, iu gjet gjatë kontrollit fizik, një sasi Cannabisi.
Sasitë e lëndës narkotike u sekuestruan me cilësinë e provës materiale.
Materialet procedurale iu referuan Prokurorisë së Gjirokastrës, për veprime të mëtejshme.
