🇦🇱 Shqipëria nuk është pronë e Edi Ramës.
Më 20 shkurt, të gjithë në shesh!
Sot nuk po flasim për politikë, por për ekzistencë. Ndërsa një grusht njerëzish pasurohen mbi rrënojat e këtij vendi, prindërit tanë numërojnë qindarkat për bukën e përditshme, bizneset mbyllen nga gjobat dhe rinia jonë – shpresa e vetme – largohet nëpër botë, si të ishte jetime.
Mjaft më me heshtje! ❌
Heshtja jonë është ushqimi i tyre. Arroganca e tyre ushqehet me frikën tonë. Por më 20 shkurt, frika do të ndryshojë krah.
Sot po shkatërrohet gjithçka:
📍 Ekonomia, për të mbushur xhepat e bashkëpunëtorëve.
📍 Shpresa, për të na detyruar të largohemi dhe ta lëmë Shqipërinë bosh.
📍 Dinjiteti, duke na trajtuar si numra dhe jo si njerëz.
Më 20 shkurt nuk dalim për karrige dhe as për poste. Dalim për jetën.
Ejani të gjithë, pa dallim partie dhe pa dallim krahine.
Eja ti që rroga nuk të mjafton.
Eja ti që fëmija të është larguar në emigrim.
Eja ti që çdo ditë po të shuhet nga pak shpresa për të jetuar në këtë vend.
Më 20 shkurt, Tirana duhet të dëgjojë zërin dhe dhimbjen e një populli që nuk pranon të vdesë ngadalë.
Sot ose kurrë! 🇦🇱
Ndërkohë që pushteti vret shpresën dhe zbraz vatrat tona, ne kemi vetëm një armë: bashkimin.
Ata kanë pushtetin e parave, por ne kemi fuqinë e shpirtit dhe të së drejtës
