Policia e Tiranës masat që do të merren për mbarëvajtjen e protestës së paralajmëruar nga Partia Demokratike, e cila do të zhvillohet ditën e sotme para Kryeministrisë.
Policia njofton se do të ketë kufizime të përkohshme të qarkullimit dhe parkimit të automjeteve në disa segmente rrugore, me qëllim garantimin e rendit publik dhe mbarëvajtjen e aktivitetit.
Konkretisht:
Nga ora 23:45 e ditës së sotme, do të bllokohet lëvizja dhe parkimi i automjeteve në bulevardin “Dëshmorët e Kombit”, nga “Ura e Dajtit” deri te rruga “Ismail Qemali”, deri në përfundim të tubimit.
Nga ora 15:00 e ditës së nesërme, do të ndalohet qarkullimi i automjeteve në bulevardin “Dëshmorët e Kombit”, nga kryqëzimi pranë Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
Autoritetet bëjnë me dije se, në varësi të zhvillimit të protestës, mund të ketë kufizime të tjera të qarkullimit edhe në akse të tjera rrugore.
