Psikologe / Psikoterapiste Marsela Lekli
Autizmi NUK është sëmundje dhe NUK ka ilaç për ta “shëruar”. Shkenca deri më sot NUK ka zbuluar asnjë kurë për autizmin — dhe pikërisht këtu lind pyetja e madhe: si mund të dalin këta palo njerëz me “zgjidhje magjike”?
Të shesësh ilaçe për kafshë si “trajtim për autizmin” nuk është alternativë, nuk është mendim ndryshe — është abuzim, mashtrim dhe rrezik serioz për jetën.
Shkenca është e qartë: autizmi është një çrregullim neuro-zhvillimor, jo diçka që kurohet me pilula apo formula magjike.
Personat me autizëm janë njerëz të Zotit, të veçantë në mënyrën e tyre. Ata kanë nevojë për dashuri, mbështetje, respekt dhe përfshirje, jo për shfrytëzim dhe mashtrim.
Si profesionistë që punojmë çdo ditë me persona me autizëm, kemi detyrim moral dhe etik të flasim. Heshtja përballë pseudo-shkencës i bën dëm fëmijëve, të rinjve dhe familjeve të tyre.
Mjaft me shpresa të rreme.
Mjaft me tregti mbi kurrizin e autizmit.
Le t’i duam, t’i ndihmojmë dhe t’i mbrojmë — jo t’i abuzojmë.
Respektoni shkencën. Respektoni njerëzit.
