Vajza e Bes Kallakut dhe Xhensila Myrtezajt, Ajka, ka festuar sot ditëlindjen, por kjo ditë e veçantë nuk ka shërbyer si moment ribashkimi për dy prindërit e saj të njohur.
Edhe pse më parë janë parë të bashkuar në raste të rëndësishme për fëmijët, këtë herë Besi dhe Xhensila kanë organizuar dy festa të veçanta, secili në mënyrën e vet. Të dy kanë ndarë momente nga festimet në rrjetet sociale, por në asnjë prej fotove nuk shfaqen bashkë.
Ata kanë zgjedhur që gëzimin për ditëlindjen e Ajkës ta ndajnë veçmas me familjarë dhe miq të afërt, secili në rrethin e vet.
Pavarësisht se ndarja e tyre është zyrtarizuar muaj më parë, ky vendim për të mos qenë bashkë as në ditën e lindjes së vajzës së tyre më të madhe, ka ngjallur reagime dhe komente të shumta nga ndjekësit, të cilët kanë vënë re mungesën e një momenti të përbashkët familjar.
