Në një rrëfim të rrallë dhe emocional të shtunën, sopranoja me famë ndërkombëtare Inva Mula foli për jetën e saj artistike dhe personale, duke u ndalur në një prej momenteve më të njohura të karrierës së saj: zërin e saj të paharrueshëm në filmin hollivudian “The Fifth Element”.
E pyetur për fitimet që mori nga ky projekt me buxhet miliona dollarësh, Mula befasoi publikun me përgjigjen e saj të sinqertë: “Ishte një gabim jetësor,” tha ajo. Sopranoja tregoi se kishte udhëtuar në SHBA me agjentin e saj, një profesionist me përvojë, por që nga entuziazmi harroi të nënshkruante kontratën për të drejtat e autorit. “Nuk fitova asgjë. Sot e kësaj dite, nuk marr asnjë të ardhur nga ai film,” rrëfeu ajo me një qetësi që vetëm maturia e artistëve të mëdhenj mund ta përçojë.
Megjithatë, Inva Mula nuk është penduar. “Është me miliona, por i kam thënë vetes që s’ka gjë,” u shpreh ajo. Për të, fitimi më i madh ishte ndikimi që performanca e saj pati tek publiku në mbarë botën. “Fitova përjetësisht administrimin e publikut. Edhe milionat nuk më interesojnë, më interesojnë njerëzit që kanë parë shfaqjen.
Një mësim i çmuar për të gjithë ata që ndjekin rrugën e artit: paratë mund të humbasin, por ndikimi dhe dashuria e publikut mbeten të përjetshme.
