Ndodhin edhe çudira.
Pas numërimit të votave rezultoi se 65 kandidatë nga parti të ndryshme nuk kanë marrë asnjë votë në garën elektorale të 11 majit.
Kjo ka rezultuar më së shumti për kandidatët e listave të hapura të partive të vogla në qarqe të ndryshme të vendit.
Fenomeni nënkupton se as familjarët apo miqtë nuk kanë votuar për ta. Madje as vetë kandidati nuk ka besuar te vetja e tij duke votuar për dikë tjetër.
Për shumë prej tyre duket se kandidimi ka qenë formal dhe pa asnjë përpjekje për të tërhequr votues.
Sakaq, shumë kandidatë të tjerë morën mijëra vota por nuk arritën dot të futeshin në Kuvend. Kjo tregon ndoshta edhe një veprim të “zgjuar” nga kandidatët me zero vota në zgjedhjet e 11 majit. Kanë zgjedhur si strategji të maksimizojnë votat për një kandidat tjetër, pse jo të një partie tjetër.
