Kur Khloe Kardashian mësoi skandalin e tradhtisë së Tristan Thompson vetëm disa ditë para se të lindte, ishte motra e saj më e vogël që e informoi për lajmin tronditës.
Në fillim të prillit, Khloe po përgatitej të sillte në jetë vajzën e saj True, por bota e saj u trondit kur videot e të dashurit të saj duke e tradhtuar u publikuan në media.
“Akush nuk kishte guxim t’ia thonte lajmin, sepse e dinim që ishte vetëm pak ditë lard datës së lindjes së vajzës,”-tha Kylie Jenner, në episodin e së dielës të Keeping Up With the Kardashians. “Nuk donim ta stresonim atë, por e dinim se ishte gjëja e duhur për të bërë. Pra, isha unë ajo që ia thashë Khloe.”
Megjithëse për të ishte e vështirë, 21-vjeçarja vendosi t’i tregojë së motrës të vërtetën.
“Nuk doja ta lëndoja, por ndjeva sikur do ta merrte vesh nëpërmjet internetit,”-shtoi Kylie.
Pavarësisht tradhëtisë 34-vjeçarja e fali yllin e basketbollit ndërsa të dy vazhdojnë jetën me vajzën e tyre True.
