Po të mos e kishim sulmuar Iranin dy herë gjatë vitit të kaluar, Republika Islamike do të kishte një armë bërthamore”, tha Kryeministri izraelit, Benjamin Netanyahu
Kryeminiatri izrealit deklaroi se Izraeli vendosi të fillojë operacionin ushtarak kundër Iranit në muajin shkurt sepse Republika Islamike ishte “shumë afër” arritjes së një arme bërthamore dhe aftësisë për të prodhuar mijëra raketa.
Kreu i Izraelit shtoi se inteligjenca izraelite kishte marrë informacion vitin e kaluar se Irani po përgatitej të shndërronte uraniumin e pasuruar në një armë bërthamore.
“Në momentin që morëm atë informacion, hymë në veprim”, theksoi ai.
Vetëm disa muaj më vonë, Netanyahu tha se kishte marrë informacione sipas të cilave Irani synonte të zgjeronte projektet e tij bërthamore dhe raketore, duke i fshehur thellë nën tokë.
Gjatë Operacionit “Roaring Lion”, Izraeli vrau tetë shkencëtarë bërthamorë që merreshin me zhvillimin e armës, shkatërroi reaktorin e rëndë të ujit në Arak, si dhe linjat e prodhimit të centrifugave dhe uraniumit të Iranit.
“Ne arritëm të shkatërrojmë programin e tij bërthamor dhe programin e tij raketor”, deklaroi kryeministri izraelit.
