Ish-deputeti Eduart Ndocaj ka përcjellë një urim emocional dhe plot ndjenjë për vajzën e tij, Ilenia, me rastin e 25-vjetorit të lindjes. Me fjalë prekëse, ai ka shprehur krenarinë dhe dashurinë e pakushtëzuar për të bijën, duke e quajtur “poezi që ecën mbi tokë”.
“Vajzë e dashur Ilenia, urime për 25-vjetorin e lindjes. U rritsh gjithmonë me butësinë që të lindëm në ty dhe me forcën për të ndryshuar botën me mirësinë tënde. Ti je poezi që ecën mbi tokë, një përqafim që nuk ka nevojë për fjalë. Uroj që zemra jote të mbetet gjithmonë e pastër si sot. Gëzuar, princesha ime”, shkruan Ndocaj, duke shoqëruar urimin me simbole dashurie dhe festimi.
Ky mesazh ka prekur ndjekësit e tij në rrjetet sociale, ku shumë prej tyre kanë uruar Ilenian për ditëlindjen dhe kanë vlerësuar lidhjen e veçantë baba-bijë që reflekton urimi.
