Prej muajsh jeta e këngëtares shqiptare, Parashqevi Simaku, ka pësuar ndryshime të mëdha. Kjo pasi u rikuperua nga ana shëndetësore dhe tashmë diva e viteve 80 është rikthyer në skenën muzikore.
Pasi u lançua kënga në anglisht, duket se këngëtarja do të vijë më në fund dhe në Tiranë. Mësohet se grupi që po punon me të është duke përgatitur rikthimin e saj në skenën shqiptare.
Pra duket se tashmë gjithçka është gati dhe është vendosur që Parashqevia do të mbajë koncert në Tiranë në muajin shtator. Ka qenë biznesmeni i njohur Elton Ilirjani i cili e ka konfirmuar një fakt të tillë, duke pranuar kështu se gjithçka po përgatitet për koncertin e saj në kryeqytet.
Biznesmeni Ilirjani, ka rrëfyer së fundmi në një intervistë në “Opinion” arsyen pse këngëtarja Parashqevi Simaku, e cila para pak muajsh u gjet e pastrehë dhe në gjende jo të mirë shëndetësore, dështoi në karrierë pasi shkoi të jetonte në SHBA.
Ai rrëfeu se ëndrrat e këngëtares shqiptare për në Hollywood-in ishin të mëdha, por ato u shuan pasi ajo nuk zgjodhi të ishte një punonjëse seksi.
“Ajo dështoi sepse ajo nuk zgjodhi që të ishte një “punonjëse seksi” siç janë shumë artistë të tjerë dhe në skandalet që keni parë në SHBA. Parashqevi Simaku është një person shumë i pastër, shumë i dashur, që ka besim të madh te Zoti. Ajo e rrezaton këtë. Kur ka shkuar në Holliwood, jo vetëm që nuk ka pasur mbështetjen e askujt nga shqiptarët, por edhe është goditur. Është goditur që në hapat e saj në Hollywood,” u shpreh Elton Ilirjani.
