Kur kanë mbetur më pak se 5 ditë për zgjedhjet vendore në disa komuna në Itali, grupe të ekstremit të majtë, duket sikur nuk pajtohen me faktin se në këto zgjedhje ka dhe disa kandidatë potencialë nga komuniteti shqiptar, që aspirojnë të jenë përfaqësues në këshillat komunalë dhe gjatë natës së mbrëmshme kanë mbuluar posterat e kandidates Valentina Ndocaj, duke shfaqur një ksenofobi të hapur që nuk i shkon aspak për mbarë proceseve integruese.
Ish deputeti lezhian, Eduart Ndocaj, njëkohësisht dhe bashkëshorti i znj. Valentina Ndocaj që kandidon për këshilltare e komunës së Breshias, ka publikuar pamjet e një veprimi të tillë, me shënimin: Racizmi është i majtë dhe jo i djathtë!
