Sot britaniku njihet si një nga aktorët komik më të mëdhenj në të gjithë botën.
Vetëm disa muaj më parë, aktori 67-vjeçar Rouan Atkinson, i njohur në mbarë botën falë rolit të tij si Mr. Bean, deklaroi se ai rol është ‘stresues dhe rraskapitës’, duke lënë të kuptohet se nuk do t’i rikthehet më kurrë.
Rouan Atkinson fillimisht nuk kishte sukses si aktor. Sot ai është një nga fytyrat më të njohura në botë dhe ka një pasuri prej rreth 150 milionë dollarësh. Sigurisht që ka lënë gjurmë të pashlyeshme në imagjinatën kolektive të të gjithëve. Mister Bean, ishte thikë me dy tehe. Ai me të qeshura përshkruan komplekset njerëzore të cilëat kurrë nuk kemi guxim t’i zbulojmë.
Rouan Atkinson, Sebastian u lind më 6 janar 1955. Ai është një komedian anglez, skenarist, dhe aktor. Mbetet i famshëm për punën e tij në komedinë satirike me skenat si “Jo Nine O’Clock News”, “Sitcoms Blackadder, z. Bean”, dhe “Blue Thin Line”. Ai ka qenë i shënuar në “The Observer” si një nga 50 aktorët më komikë në komedinë britanike, dhe në mesin e 50 aktorëve të komedisë me nivel të lartë. Ndërsa sot ai njihet si një nga aktorët komik më të mëdhenj në botë.
Fillimet
Rouan Atkinson, më i riu i tre vëllezërve, u lind në Consett, County Durham, Angli.
Edhe pse kishte probleme shëndetësore, Atkinson u pranua në Universitetin e Oxford, duke pasur një angazhim të madh. Kështu ai kaloi çdo barrierë që kishte përpara, e edhe ato shëndetësore. Më pas ai iu bashkëngjit klubit të komedisë së këtij universiteti.
Vullneti
Pas disa dështimesh vazhdoi të këmbëngulte e të provonte aktrimin. Fatkeqësisht, u refuzua nga një numër i konsiderueshëm shfaqjesh televizive. Arsyeja: belbëzimi i tij i vazhdueshëm.
Kushdo që do të ishte në situatën e tij do hiqte dorë e do zgjidhte një tjetër rrugëtim. Një rrugëtim që nuk do t’i sillte më zhgënjimin dhe dështimin që kishte përjetuar kaq shumë. Por jo me Atkinson! Ai kuptoi se belbëzimi i tij ndalonte sa herë që luante një personazh specifik. Ai deklaroi: “Zbulova se kur luaja një personazh ndryshe nga vetja, belbëzimi zhdukej”.
Ai filloi shfaqjen e tij të quajtur “Mister Bean”, duke u kthyer në fenomen kulturor. Pothuajse menjëherë u bë sukses global. Në retrospektivë, ato vështirësi kontribuan shumë në suksesin që ai ka arritur deri tani.
Karriera
Aktori për herë të parë mori rolin në vitin 1990 dhe luajti 15 seri të krijuara nga komediani, Richard Curtis.
Filmi “Johnny English Strikes Again” e riktheu në ekranin e madh Rouan-in në vitin 2018, si personazhi spiun lolo për herë të parë që prej vitit 2011, kur kishte luajtur në filmin “Johnny English Reborn”.
Ai ka marrë çmimin BAFTA në vitit 1981 për Performancën më të Mirë Argëtuese, nëpërmjet pjesëmarrjes së tij në The Secret Policeman’s Ball (1979)
Në po të njejtin vit, Atkinson mori gjithashtu edhe çmimin “Olivier” për shfaqjen e tij teatrore në West End.
Stili
Stili i Atkinson-it shpesh i bazuar vizualisht, është krahasuar me atë të Buster Keaton, dhe e veçon atë nga shumica e komikeve modern televiziv dhe filmik, të cilët mbështeten shumë në dialog, si dhe në stand-up komedi, e cila bazohet kryesisht në monolog. Ky talent për komedinë pamore ka bërë që Atkinson të quhet “burri me fytyrë gome”.
Jeta private
Rouan Atkinson më parë ishte në marrëdhënie me aktoren Leslie Ash. Në vitin 1990 ai u martua me Sunetra Sastry. Çifti u takua për herë të parë në fund të viteve 1980, kur ajo punonte si artiste makijazhi në BBC. Ata kanë dy fëmijë, vajzën Lili- aktore, dhe djalin Benxhamin.
Në shkurt të 2014, u njoftua se Atkinson ka paraqitur kërkesa për divorc nga Sastry. Gruaja e tij prej 23 vjetësh. Më pas, ai u largua nga shtëpia dhe u shpërngul në një banesë në Londrën perëndimore.
Pas kësaj Atkinson u pa me të dashurën e tij të re, aktoren Louise Ford. Ata filluan të takohen pasi punuan bashkë në filmin komik: Quartermaine’s Terms.
