Nga Azgan HAKLAJ
Historitë e medha vijnë nga vendet e vogla!
Juniku!
Kuvendi i Junikut djepi i pavarësisë së Shqipërisë.
Historia e qëndresës së Junikut është gdhendur në vargjet lapidare të këngëve popullore, interpretuar me mjeshtëri të lartë artistike nga virtuozët popullorë, Ilir Shaqiri, Shkurte Fejza etj.
Vargjet e mëposhtme kanë qenë refren popullor të heroizmave sublime në betejat e mëdha për liri e pavarësi.
“Mua po me thonë Brahim Sadiki
Ku të qëlloj pushkën e nisi
Vetë po jes (mbes) pashën e koriti”.
“Kullat e Junikut nga një gjëmë e lëshojnë
Bedriu dhe Bekimi thonë këtu do të luftojmë”
(Deshmorët e Atdheut, trimat e UÇK-së Bedri Shala dhe Bekim Berisha).
UÇK-ja e lavdishme u çertifikue ndërkombëtarisht nga Buldazeri i Ballkanit Riçard Hollbruku, në kullat eJunikut.
“O Junik me kulla guri
Prej tek ti u nis flamuri
Prej n’Koshare e n’Kaçanik
Thërret Dardania “Kosova” o Junik (Shkurte Fejza në 100 -vjetorin e Kuvendit të Junikut ku 250 delegatë nga të gjitha trojet shqiptare të prirë nga trinomi i pavarësisë Hasan Prishtina, Isa Boletini, Bajram Curri hartuan platformën e kryengritjes së përgjithshme për shpalljen e pavarësisë së Shqipërisë.
Juniku është vendlindja e shehlerëve, përsonaliteteve mistike Sheh Osmani i parë, Sheh Xhaferi, vëllezërit Sheh Osamani i dytë e Sheh Xhelali që kontribuan brez pas brezi për të përçuar tek njerëzimi mesazhet e Zotit.
Sheh Xhelali vazhdon misionin hyjnorë.
“Nuk ka vdekje më të bukur se sa të vdesësh për Atdhe dhe të mbulohesh me flamur” është postulati i Edmond Hoxhës nga Juniku pushka e parë e lirisë së Dardanisë që ranë në fushën e nderit së bashku më Zahir Bajazitin e Hakif Zejnullahun me dt 31 janar 1997.
