Nga Era DUSHI
Kur Kosova u shpall Republikë në shkurtin e 2008-ës, duhet thënë që “u flijua” Lugina e Preshevës. Ajo mbeti jashtë trojeve amë. Ndonëse lufta i kishte kalitur mirë me sistemin serb dhe preshevarët kishin mësuar të adaptoheshin, ajo që i inkurajonte ishte pikërisht gjuha dhe traditat shqiptare.
Dokumenti mund të të bëjë Serb, Kroat, Amerikan, Afrikan dhe çfarëdo, por origjina dhe trungu familjar nuk ndryshohet dot prej shpirtit dhe kujtimeve.
Duke i hequr të drejtën e gjykatës dhe shumë institucioneve të tjera, duke i lënë një komunë të cunguar në vetvendosje, serbët menduan se vetëm kështu mund të ç’rrënjosnin të kaluarën. Por është e pa mundur!
Presheva është Shqipëri dhe këtë fakt nuk e mohojnë dot as pashaportat e preshevarëve, as tabelat në gjuhën serbe, as uniformat dhe as ushtria që shëtitet në katër anët e qytetit ditën për diell.
Shqiptarët janë pajtuar me këto, janë pajtuar se kryeministri Kurti nuk shkel dot aty ku quhet Serbi, pasi ka fletë arresti. Ndërsa kryeministri Rama ka marrëdhënia të mira me Vuçiçin që dyshojmë ti prishë për interesa kombëtarë.
Pra, Lugina e Preshevës është në këtë gjendje se Shqipëria është e dobët për ti dalë zot një pjese të saj. Së fundmi sistemi arsimor serb ka vendosur që Himni Serb të këndohet në të gjitha shkollat edhe pse ato flasin shqip.
Nëse nuk realizohet diçka e tillë, shkollat do të gjobiten me 8 mijë €. Sigurisht që kjo është një strategji për ti detyruar shqiptarët të heqin dorë nga fjala dhe kënga shqipe, që kurrsesi nuk duhet të lejohet. Shqiptarë, dilini në krah Preshevës!
