Nga Shpetim AXHAMI, kryetar i Partisë Lëvizja e Legalitetit
Suksese!
…mes zbrazjes dhe problemeve në arsim.
Sot nisi proçesi mësimor në Arsimin Parauniversitar!
Përveçse urimit, Suksese për këtë vit mësimor në rrugën e dijeve nxënës të dashur, ne të gjithë duhet të jemi të shqetësuar dhe qeveria tē marrë masat e duhura…
-Pse bangat e shkollave sot kanë shumë më pak nxënës, e kjo jo vetëm nga lindjet e kufizuara por më kryesorja nga braktisja prej largimit të familjeve të tëra për jashtë vendit, e shumë nxënës Abetaren sot detyrohen ta nisin jo në gjuhën e nënës.
Ku në 5-vite janë larguar rreth 50 mijë nxënës dhe këtë vit ka shkolla ku u regjistruan 0-1 nxënës.
-Pse cilësia në arsim ngelet në nivele të ulta dhe bëhet shkak i shpërnguljeve dhe emigrimit të familjeve të tëra për shkollimin e fëmijëve diku tjetër.
-Pse, pas 30-viteve pluralizëm, flasim për mungesë të kushteve optimale në shumë shkolla ku zhvillohet mësim.
-Pse për emërimin e kuadrove në arsim, pavarsisht portalit të mësuesit, rol vendimtar ka ndërhyrja e kryetarit bashkisë apo e deputetit të zonës.
-Pse paga e mësuesit, me një ngarkese mesimore të lartë dhe me numër nxënësish për klasë mbi normalen, ngelen më të ultat edhe se në rajon, e kjo bën që mësues me pêrvojë të braktisin arsimin dhe të largohen për diku tjetër.
-Pse një kurrikul arsimore dhe një Maturë Shtetërore e dobët, deri aty sa edhe historia e kombit nuk mësohet ashtu si duhet nga fëmijët tanë që në fillimin e formimit të ndjenjës kombëtare tek ata, e gjithashtu nxënësi akoma vazhdon të përdoret në takime e aktivitete si mbushës sallash sa herë vjen 1-Maj apo 5-Maj.
-Pse akoma bëjmë reklama bojatisje, tualetesh, çezmash e mbjellje pemësh në shkolla, normale edhe këto duhen, duke u mos u marrë si duhet me thelbin e detyrës së arsimit, edukim dhe dije, e për pasojë vazhdojmë të nxjerrim nxënës dhe student të diplomuar por jo të shkolluar.
-E pse, përveçse sa më sipër, me gjithë këto problematika, duke patur parasysh rëndësinë e arsimit për vazhdimësinë zhvilluese të një kombi, buxheti shtetëror për arsimin mbetet në nivele kaq të ulta.
Pasojat e rënda kanë filluar të ndihen, por shqetësuese mbetet se këto problematika në arsim, shumë shpejt do të japin akoma efekte më negative për zhvillimin e gjithanshëm të shoqërisë tonë në të ardhmen.Megjithatë, Urojmë SUKSESE në këtë vit mësimor,
