Nga Indrit Vokshi
Libri “Realitete shqiptaro-amerikane” u shkruajt nga Mero Baze në 1997.
E kam lexuar. Aty Sali Berisha përmes Meros jep mesazhet e veta. Një ndër mesazhet është ky: “ata që duan të drejtojnë PD-në me mbështetjen e ambasadës amerikane, skanë shanse.”
Kjo dmth se shtetet ballkanike nuk e dëshirojnë aq shumë një fuqi si Amerika. Përpiqen ta sabotojnë dhe t’i lënë ndikim sa më sipërfaqësor. Amerika është perandori e re në Shqipëri, nuk i ka rrënjët aq thellë, ndërsa shtetet e agjenturat ballkanike janë të vjetra e me rrënjë të thella. Sepse janë afër dhe janë këu prej 150 vitesh si qendra pushteti.
Duke e pas’ lexuar atë libër, duke njohur gjëra të tjera, pak a shumë me vete e kam menduar se Berisha mund ta mposhtë PD-në pro-Amerikë. Se edhe u bashkuan të gjithë me të: oligarkë të cilët janë pasuruar nga ky “Ballkan Pazar”, krim i organizuar të cilit ia kujtojnë nderin e bërë dikur, spiunë të vjetër të medias të cilët thirren në armë e aktivizohen.
Megjithatë, isha kundër; nuk mund të dilja pro skemës së agjenturave ballkanike, kundër Amerikës.
Se ballkanikja na fundos ne si komb. Ndërsa Amerika është e vetmja që ka bërë diferencën. Skam asnjë simpati kulturore për Amerikën, kulturalisht pëlqej më shumë Rusinë dhe Europën Lindore.
Por nuk duhen ngatërruar kulturorja me politikën. Politikisht vetëm Amerika mbron shqiptarët. Madje mbron edhe popujt e tjerë sepse rendi i saj nuk po lejon luftë në Ballkan.
Duan ta ruajnë tavën ballkanike nga ndërhyrja e një perandorie nga një kontinent tjetër, asaj amerikane? Janë me moton sllavo-greke “Ballkani i Ballkanasve”? Shumë bukur.
Veçse kush është shqiptar duhet ta dijë se po na ra halli si komb, larg qoftë, derën hapur e kemi vetëm në dy vende: në Washington dhe në Ankara.
Nuk kam ndjenja negative kundrejt shteteve të tjera ballkanike. Veçse deri sot nuk kanë treguar dashamirësi. Po e treguan, duhet ta respektojmë. Deri atëherë, mbetemi me ata ku e kemi derën hapur.
