Nga Qamil Gjyrezi
Nëse ka politikan, në Shqipëri që ka promovuar anti-vlera në 30 vite në dëm të demokracisë, djathtës dhe shtetit ligjorë është Sali Berisha. Sali Berisha ka ndikuar shumë keq me mbështetjen e politikanëve pa përmbajtje politike, si modeli Nard Ndokës. Sali Berisha i ka urrejtur, nënvleftësuar të djathtët, konservatorët, traditën dhe ka promovuar antivlerën në politikë në 30 vite dhe PD. Modeli më negativ ka qenë Nard Ndoka, ish elektro auto, që me mbështetjen e Sali Berishës u bë Ministër i shëndetësisë, duke i nënfleftësuar të gjithë mjekët dhe infermierët në shërbimin shëndetësorë. Nuk është rastësi që sot kandidaturat e “Shtëpisë së lirisë” do të konkurrojnë në zgjedhjet e pjesshme nën siglën e PDK-së së Nard Ndokës.
Sali Berishën dhe Nard Ndokën i lidhin shumë gjëra, mbi të gjitha i lidh “tollovia” në tranzicion e zhvillimeve demokratike në Shqipëri.
Sot në promovimin e kandidaturës së PD-së, Z. Xhemal Bushati për Shkodrën, mu kujtua një ngjarje polititike e ndodhur para 24 vjetësh pikërisht në këtë seli të PD-së Shkodër. Para 24 vitesh, në vitin 1998 Nard Ndoka dhe Genc Pollo ishin kundër Sali Berishës dhe më vonë krijuan partitë e tyre. Unë mbrojta kandidaturën e Berishës dhe fituam kundër Nard Ndokës, Genc Pollos etj. Berisha më vonë largoi të gjithë ata që e mbështetën ate, me kërkesën e Nard Ndokës dhe Klanit të tij dhe mbështeti kundërshtarët e tij në karrierën politike sidomos mbas vitit 2005.
Sot në promovimin e Z. Xhemal Bushati, kishin ardhur shumë demokratë të vitit 1992 që kanë besim tek Xhemal Bushati si përfaqësues i traditës, qytetarisë dhe konservatorizmit dhe Z. Lulzim Basha. Ata e kujtonin shumë mirë kur në vitin 1998 që sëbashku edhe me Xhemalin, e kemi mundur antivlerën e politikës të përfaqësuar nga Nard Ndoka dhe miqtë e tij që sot janë në krah të doktor Berishës.
Situata politike dhe ekonomike e rënduar në Shqipëri, lëvizja jo ligjore e Foltores, dhe kërkesa për ndryshim e madh dhe largimin e llumit të tranzicionit 30 vjecarë kërkon që antivlera në PD të largohet dhe të mbështetën demokratët e vërtetë, si Xhemal Bushati.
Modelet demokarte të vërteta do të sjellin një formë dhe frymë të re për të qeverisur Shkodrën që është bastioni i së djathtës, politike që ka në epiqendër njerëzit dhe i bën punët me zemër dhe perkushtim.
Shtëpia e Ilirit dhe Nardit nuk është shtëpia e demokratëve. Këta zgjedhje lokale duhet të jenë një shenjë e mirë për largimin e antivlerave 30 vjecare, të Edi Ramës që është në të njëjtën linjë me Foltoren dhe fitoren e Shkodrës, PD-së me Lulzim Bashën kryeministër.
Antivlerave të tranzicionit 30 vjecarë, do ti ofrojmë vlerat e vërteta që venë Shkodrën të parën jo interesat e tyre dhe të gjithë sëbashku me Xhemal Bushatin do ta mundim Nardin, Ilirin dhe kandidaturat e tyre etj. sic i kemi mundur në vitin 1998!
