Sekretari i degës Pukë të PD, Alfred Qafa, përmes një publikimi në profilin facebook, ka shprehur mendimin e tij për zgjedhjet e pjesshme lokale të 6 marsit, të cilat i ka cilësuar të parëndësishme në planin politik, pasi janë vijimësi e 30 qershorit të 2019, ku opozita i bojkotoi këto zgjedhje dhe për një vit të ngelur deri në përfundim të mandatit të plotë të ‘vendoreve’ nuk kanë ndonjë domëthënie të madhe për diskursin politik në Shqipëri.
Sekretari Qafa, në opinionin e tij e konsideron këtë proces, më shumë një manovër në favor të ‘foltores’, të cilët të entuziasmuar, janë lëshuar që tani në beteja klanore për të fituar primaret e shpalluara nga grupi i rithemelimit, por ndërkohë harrojnë se po i shërbejnë ‘trekëndëshit të Bermudës’ në axhendën e tyre për shkatërrimin e PD.
I njohur për mbështetjen e tij ndaj liderit Basha dhe lidershipit aktual të PD, sekretari i degës së PD, Pukë, Alfred Qafa ka qenë shumë aktiv në qëndrimet pro vijës institucionale të partisë, si dhe ka mbajtur një qëndrim kritik ndaj retorikës dhe fjalorit linçues të ‘foltores’.
Postimi në facebook i sekretarit Qafa:
Mendimi im per zgjedhjet e pjesshme lokale.
Duke pare situaten brenda Partise Demokratike dhe jashe saje, me te ashtequajturit rithemelues te PD-se ku jane aktor ne 30 vite demokraci per te cilen nuk erdhi kurre. Une mendoj se do ishte me e dobishme qe Partia Demokratike zyrtare,dhe jo ajo e stadiumit te bojkotoje zgjedhjet e pjeshshme lokale pasi eshte ne te drejten legjitime te sajen ku keto zgjedhje pasojne ne bojkotin e 30 qershorit 2019,dhe mbi te gjitha PD-ja nuk humbet gje ne kete rast veq Shkodres se te tjarat nga PS-ja drejtohen. Reflektoj me kete qendrim duke marre shkas dhe entuziazmin e zjarrte te kandidateve te foltores ne Shkoder, ku nje pjese e tyre u terhoqen nga gara e piste brenda familjes tone,nuk kam ndonje falenderim per ta pasi vazhdojne te jene pjese e foltores. Kandidatet e foltores e kan te pa mundur fitoren,dhe per kete jam shum i sigurte qe jane te ndergjegjshem dhe vete qe nuk fitojne,por duan qe tja bejne me te lehte PS-se fitoren me luften brenda llojit,si dhe te vazhojne akuzat ndaj Bashes per humbjen e rradhes.Si mund te ndahen votuesit e djathte tradicional ne dy persona a e kuptoni se ne çfare sikleti jane nga keta qe per 30 vite kane marre gjithçka kane dashte, votuesit jane me te pafajshmit ne kete rast te cilet do jene ne siklet per cilin do votojme dhe ne fund do fitoje Rama . Per mua nese do degjohej mendimi im PD-ja duhet te bojkotoje zgjedhjet dhe te gjithe qe jane rreshtuar tek foltorja ta shohin dhe ta pranojne se çfare gabimi bene duke ndjekur politiken e interesave personale dhe duke e shkaterruar Partine Demokratike ne kete gjendje qe eshte sot. Une jam me Partine Demokratike dhe jam i lire,nuk jam per interesat e askujt ne PD.
Rrofte Partia Demokratike. ✌️✌️✌️
A.Qafa.
