Eduart Ndocaj, ish-deputet
Të dashur qytetarë !
Sa herë që flitet për tranzicionin e tejzgjatur, padyshim që mendja të shkon tek klasa politike shqiptare e cila, jo vetëm që nuk instaloi demokracinë e shumëdëshiruar nga populli ynë, por zgjodhi të pasurohej në kurriz të qytetarëve dhe t’u grabiste pasurinë përmes tjetërsimit të pronave dhe zhvatjes së ekonomisë. Këto ditë po ndjekim me vëmendje zhvillimet në selinë blu.
Aty po ndodh dicka e pritshme për kontekstin shqiptar, pasi po shqyhen me njëri-tjetrin grupet që fundosën partinë e shpresës së shqiptarëve. Në krahun tjetër, është dhe më e zymtë situata. Arrestohet Lefter Koka, ish-ministri i qeverisë Rama dh për aferën e incineratorëve, ndërkohë heshtja ka pllakosur jo vetën në kupolën e ekzekutivit shqiptar, por edhe në kupolën e shtetit, pasi Koka, ka qenë dhe një nga bashkëpunëtorët e Presidentit të Republikës, Iir Meta.
Pra, “trekëndëshi i Bermudes“ nuk është thjeshtë retorikë politike, por realiteti i trishtë i kapjes së shtetit prej tre dekadash. Ish- kryeprokurori shpallet në kërkim ndërkombëtar dhe arrestohet në Romë, ndërkohë shpallja “ non gratta“ e ish-kryeministrit dhe ish-presidentit Berisha është fytyra e vërtetë e molepsjes dhe kontaminimit në mocalishte korrupsioni të të gjithë spektrit politik shqiptar.
Oligarkia e krijuar ën Shqipëri, është e tëra me lidhje të drejtpërdrejta ose të kamufluara me politikën, kështu që përmes kësaj skeme mafioze është arritur që shqiptarëve t‘u serviret një mode surrogato i demokracisë, ku qytetarët gjoja votojnë, por në fakt vullnetin e tyre e përcakton lavanteria e parave të pista.
Përmes kësaj tabloje shtrohet pyetja, a kemi shpresë? Padyshim! Por që të mbjellim shpresën duhet të largojmë klasën aktuale potike dhe të mos lejojmë që të përthithemi nga vorbullat e pasionit dhe të militantizmit partiak. Me vendosmërinë dhe ndjenjën e përgjegjësisë për të ardhmen e fëmijëve tanë, le ti japim fund këtij establishmenti politik të krijuar gjatë këtyre 30 viteve dhe të hapim perspektivën e afirmimit të një brezi të ri, që mendon dhe është në sintoni me vokacionet perëndimore.
E.N
