Gazetari dhe moderatori Adi Krasta ka thënë se vendi ynë e meriton qeverisjen që ka.
Në një intervistë për televizionin Koha në Kosovë, Krasta theksoi se nuk zhgënjehet më nga grupi të cilin ai e quan faqezi, që po udhëheq për momentin Shqipërinë.
“Nuk zhgënjehem më nga një grupim faqezinjsh, që e udhëheqin për momentin Shqipërinë,” tha Krasta.
Krasta foli dhe për bashkimin kombëtar, Krasta tha se duhet folur në mënyrë pragmatiste.
“Nuk flitet për bashkimin në mënyrë folklorike, duhet folur në mënyrë pragmatiste. Edi Rama dhe Albin Kurti janë të parëndësishëm në një bashkim të mundshëm të Shqipërisë me Kosovën,” tha Krasta.
Më tej, ai shprehu dhe dëshirën për të marrë pasaportën e Kosovës, të cilën e dëshiron për vetë dhe për familjen e tij.
“Nuk di kujt t’ia kërkoj pasaportën e Kosovës, me shumë krenari do ta merrja bashkë me familjen,”-u shpreh Krasta.
