Antonela Berishaj vjen si stiliste, lançon brandin “ELLA.B”!

Në një kohë kur të gjithë po presim që Antonela të publikojë këngën e saj të parë, vajza nga Shkodra del jashtë parashikimeve. Antonela njihet për guximin, vendosmërinë, dëshirën për vëmendje, origjinalitetin, show-n që dhuron.

Programi nga i cili u bë e njohur, i dha asaj mundësinë të tregonte veten. Historia e trishte e emigrimit dhe nënës heroinë që i kishte rritur me shumë sakrifica, përloti një
Shqipëri të tërë.

Antonela edhe pse pati shumë debate në studio dhe paragjykime nga publiku, ajo fitoi shumë simpatizantë të cilët e ndjekin hap pas hapi. E rrirur në Itali, studimet e larta i ka kryer në Milano për “Design”. Ish konkurentja e Për’puthen nuk ju nda botës së televizionit edhe pas përfundimit të emisionit. Shpesh e pamë në panele të ndryshme ku jepte opinionet e saj në lidhje me aktualitetin.

Më pas Antonelës ju besua këndi i saj në “Proçesin Sportiv”, ku intervistonte të ftuar që ishin personazhe publike dhe me ndikim. Gjatë gjithë kësaj kohe, binjakja në horoskop nuk la pas dore as pasionin e saj, stilimin. Udhëtimet e shpeshta drejt Italisë tani marrin përgjigje. Antonela Berishaj lançoi Brandin e saj të veshjeve “Ella B”.

Një stil italian, modern që ju jep vajzave dhe grave një pamje tjetër, të pushtetshme, bëri që edhe njëherë sytë të kthehen nga ajo. Epo suksese Antonela. Vajzat e guximshme gjithmonë ja dalin. (InfoPressAlbania/ E. D)