Dita e djeshme ishte një ditë e trishtë për demokracinë e brishtë të një vendi si i yni. Një parlament jo legjitim guxoi dje të ndërmarrë nismen asburde për të shkarkuar Presidentin e Republikes që për fat të keq është dhe “Kështjella” e fundit e demokracisë instituciomale të pa kapur nga qeveria.
Një seancë ku deputetët dilnin dhe flisnin me radhë njëri pas tjetrit në një ligjeratë politike dhe pa u mbështetur në asnjë nen,ligj apo pikë të shkelur nga Presidenti i Republikes. Presidemti është përfaqësues i unitetit të popullit dhe garant i Kushtetutes që në këto tetë vite është nëpërkëmbur e shkelur si kurrë më parë.
Ne kërkonim një president “normal” në një shtet anormal ku kthetrat e gjithëpushtetshme të një pushteti absolut kapen një nga një gjithë institucionet e shtetit. Ky nuk është një sulm ndaj Presidentit të Republikes por një sulm dhe inat personal i Edi Rames me politikanin Ilir Meta,me atë që e ringriti dhe e fuqizoi në këtë makineri që sot po temton të kapë dhe institucionin e fundit në këmbë por njëkohsisht ti tregojë forcën e numrave dhe kartonave Ilir Metës që sot Rama e pandeh edhe më dobët edhe me më pak ndikim dule pasur para sysh dhe rezultatin që mori në zgjedhje partia e themeluar nga ai. Mund të mos kem mendim pozitiv për politikan e ashpër e deri në të pamposhtur Ilir Meta por sot demokracia është në rrezik.
Presidenca nuk është Ilir Meta,Presidenca jemi të gjithë ne,Presidenca është kushtetuta që ata që e shkelën me të dyja këmbet,dje njëri pas tjetrit mbanin ligjeraten e turpshme duke e interpretuar atë. Dje nuk kishte një Komision Hetimor për shkeljet ligjore të Presidentit por një gjyq politik që na kujton gjyqet e Kadri Azbiut me shokë.
Demokracia është në rrezik nga autokracia gjithmjë e në rritje e një mazhorance fiktive moralisht por tepër të fortë në numra duke marrë parasysh dhe disa mbetje nga opozita parlamentare. 97 votat e turpit ditën e djeshme nuk dëshmojnë vullnetin e popullit nëpërmjet të zgjedhurve të tyre (pasi shumica as nuk janë zgjedhur) por kërkojnë qartë largimin e vëmendjes nga masakra zgjedhore e kryer naten me hëne e në mes të ditës me diell nga ata që sot duan duan të interpretojnë kushtetunen dhe pse nuk i kanë lexuar asnjë nen.
Është shqetësues gjyqi politik ndaj Institucionit të Presidentit dhe njëkohsisht autokracia në rritje dhe grumbullimi i gjithë pushtetit në duart e një njeriu të vetëm që do na mbajë edhe për shumë kohë larg Europes. Kjo nuk është Shqipëria që duam dhe as ajo që meritojmë!
