REDAKSIONALE
Një grup shokësh partie mblidhen në kafet e hotelet e Ish Bllokut për të “komplotuar” marrjen e PD.
Djemtë e çupat jetim të ish Bllokut nuk e kuptojnë demokratin shqiptar. Blloku u quajt i tillë sepse ka qenë kala e fortifikuar dhe botë tjetër nga Shqipëria e Thjeshtë. Bota e izoluar e njerëzve të cilët mendonin dhe mendojnë se Shqipëria është ciflig i tyre dhe shqiptarët bujkrobër të tyre.
Blloku, Sigurimi, me skemë, ka infiltruar ushtarët edhe tek Partia Demokratike. Këta ushtarë, ata synojnë t’i përdorin për ta marrë nën kontroll opozitën, siç kanë edhe qeverinë. Te mos mendojmë se ata duan të kontrollojnë pushtetin parlamentar, qeveritar, gjykatat, median, bankat por, opozitën nuk dashkan ta kontrollojnë. Opozita është pasuria që ata synojnë ta kontrollojnë.
Opozita shqiptare, dëshmoi se nuk kontrollohet prej tyre. Prandaj duan të shfrytëzojnë krizën pas humbjes me blerje për ta përçarë e për ta ndarë.
Kjo nuk do të arrihet, pasi fëmijët e Bllokut nuk kanë lidhje me demokratët. Nuk i lidh asgjë. Janë mish i huaj. Janë njerëz që synojnë komplot brenda të djathtës, duke u shtirur si të djathë, duke u infiltruar, vetëm për të arritur qëllimet komplotiste dhe minuese kundër krahut opozitar. Ata përdorin metoda lufte, parime lufte dhe jo principe demokracie. Prandaj edhe demokratët duhet tu përgjigjen me metoda lufte, me bashkim, me unitet, me qëndresë. Të mos bien viktima të tyre. Ndoshta PD i ka afruar për t’i përdorur për të përfaqësuar sa më gjerësisht por, kjo nuk do të thotë se ata duhen lejuar të përdorin PD-në.
Marrë nga:
