Kandidati i PD për Pukën dhe Fushë-Arrëzin, Lodovik Hasani ishte sot në ceremoninë përkujtimore të 2 prillit 1991, ditës kur bisha komuniste, edhe pse në grahmat e fundit, u lëshua mizorisht mbi qytetarët shkodranë, duke vrarë 4 prej tyre dhe plagosur qindra të tjerë.
Të vrarët e kësaj dite Arben Broci, Nazmi Kryeziu, Bujar Bishanaku dhe Besnik Ceka janë dëshmorët e demokracisë, dhe sot pas 30 vitesh ende apeli i tyre është aktual, pasi në pushtet janë bijtë e etërve që me lloj-lloj marifetesh përpiqen të mbajnë pushtetin, duke eleminuar cdo mjet dhe mekanizëm demokratik, deri në asgjësmin total të vlerave dhe principeve të demokracisë të fituara me gjak nga Arben Broci dhe sivllezërit e tij anëkënd Shqipërisë.
Në një postim në rrjetet sociale, Hasani shkruan se e gjithë Puka nderon dëshmorët e 2 Prillit, ata të cilët dhanë jetën për demokracinë e vendit tonë. /InfoPressAlbania/
Mesazhi i plotë:
Nderim përjetë dëshmorëve të demokracisë.
Kandidati për deputet Lodovik Hasani dhe e gjithë Puka nderon dëshmorët e 2 Prillit, ata të cilët dhanë jetën për demokracinë e vendit tonë.
