Sot u bënë 30 vite nga ngjarja që përgjaku qytetin e Shkodrës, dhe nga ku dora gjakatare e bishës komuniste që ndodhej në grahmat e fundit, mori jetët e 4 të rinjve shkodranë dhe plagosi qindra të tjerë, duke dëshmuar se etërit që ushtruan pushtetin e tyre prej 46 vitesh, duke u ushqyer me gjak shqiptarësh, nuk do të lëshonin pushtetin e tyre, edhe pse populli i zemëruar dhe i frustruar e kërkonte me ngulm.
Duke përkujtuar këtë ngjarje, që ishte preludi i demokracisë, janë thurur vargje dhe kënduar këngë, të cilat memorizojnë aktin sublim të katër të rënëve që do njihen në historinë e kombit, si “Dëshmorët e Demokracisë”.
Të shumtë kanë qenë dhe qytetarë pukjanë në këtë demonstratë, që shpërtheu si reagim ndaj manipulimit të procesit zgjedhor të 31 marsit 1991, duke dëshmuar etjen për liri dhe demokraci që kishte Puka dhe treva e saj.
Mes protestuesve pukjanë që iu bashkua kësaj proteste , shquhej nëjri prej tyre, Pjeter Qafa, pinjoll i një familje që s’bëri kurrë kompromise dhe nuk u pajtua me sistemin komunist, por përkundrazi iu kundëvu atij, edhe pse dara e persekucionit dhe përndjekjes ishte e shtrënguar aq shumë sa nuk kursente as fëmijët e fisit Qafa.
Këtë 30 vjetor të ngjarjes që do të shembte themelet gjakatare të diktaurës, e përkujton një tjetër pinjoll i familjes Qafa, kushëri (djali i xhaxhait) me pjesëmarrësin e 2 prillit Pjeter Qafa, aktualisht sekretar i degës së PD Pukë, Alfredi ,që i brumosur me idealet e demokracisë dhe trashëgimtar i gjakut blu të këtij fisi që kaq shumë i kanë dhënë demokracisë, mori pjesë në përkujtim të ngjarjes duke afirmuar pranë obeliskut që përjetëson ngjarjen dhe të rënët, premtimin dhe angazhimin e tij për të qenë kurdoherë në luftë të hapur ndaj cdo rrethane që kërcënon lirinë dhe demokracinë e vendit.
Alfred Qafa, prej 3 vitesh është sekretar i degës së PD Pukë dhe njihet nga të gjithë si një lokomotivë e fuqishme elektorale, pasi ka aftësinë dhe vizionin për të qenë një indiv gjithëëprfshirës dhe ekuilibrues brenda strukturave. Ai njihet si një nga mandatarët dhe administratorët më të suksesshëm të pushtetit lokal, ndaj dhe emri i tij, përpos origjinës si një nga familjet potenciale më me peshë në zonë, lakohet si një nga emrat më të mundshëm dhe më dinjitozë të përfaqësimit elektoral në cdo palë zgjedhje.
Ndiqeni këngën kushtuar martirëve të demokracisë dhe që është kënduar nga rapsodi Gezim Ahmetaj, këngetarja Dava Gjergji, dhe Pjeter Qafa, pjesëmarrës i asaj ngjarje kulminante, që sot vjen e rikompozuar nën shoqërimin e ansamblit popullor Puka.
