Në Shqipëri, të gjithë shqiptarët e ndershëm deklarojnë se ‘të fortët’ apo ‘bosët e korrupsionit dhe të krimit’ apo sic quhen ndryshe ‘peshqit e mëdhenj’ nuk preken nga Rama dhe për të mashtruar ndërkombëtarët Rama dënon dhe ndëshkon ‘të dobtit’, të varfërit, ata që nuk kanë asnje mundësi për tu mbrojtur…
Nga ana tjetër Rama është i dobët me ‘të fortit’ që i bën deputetë, drejtorë të rëndësishëm në administratën publike, që i’u jep tendera dhe PPP pa konkurim. Ha dreka e darka më të ‘fortët’ dhe bën muhabete injoratësh apo më saktë muhabete hajdutësh apo kriminelësh për të rruajtur ndonjë gjë nga pasuria publike.
Mbi të gjitha nga frika që ndjen prej tyre, por edhe në shkëmbim të kontributit të tyre për të manipuluar zgjedhjet, të cilët nga e tyre dukle njohur këtë ‘frikë’ i kërkojnë tendera, PPP, toka në bregdet apo në Tiranë për ndërtime shumëkatëshe, si dhe pasuri të tjera publike.
Ky sindrom, tregojnë ata që e njohin vjen nga fëmijëria e tij e mbushur plot me frustrime. Thënë ndryshe ‘frikën nga të fortët’ e ka nga fëmijëria, si një djalë i rrethinave të bllokut që e zhdapnin të fortët e lagjes. Kurse me marrjen e pushtetit, duke u përpjekur të maskojë këtë sindrom, i ka bërë shok e miq të fortët, duke ju dhënë pasuri kombëtare dhe duke i mbajtur afër për të manipuluar zgjedhjet.
Madje për shkak të lidhjeve të fuqishme më të fortit është gati të konfrontohet e prishet edhe me partnerët ndërkombëtarë. Sepse lidhja mes tyre është e dyfishtë, ata e kanë marrë peng nga frika e madhe që i vjen nga fëmijëria, por edhe ky i mban peng ata duke i shpërblyer në mënyrë të paligjshme.
Duke qënë një karakter pervers, dhunimin që ndjen nga të fortët gjithnjë ka tentuar ta shkarkojë tek të dobëtit, që i urren dhe i keqtrajton, deri edhe i burgos. Madje ndjen kënaqësi kur i keqtrajton…Natyrisht kur i duhet vota e tyre, tenton t’i mashtrojë dhe në disa raste luan edhe rolin e neveritshëm të ‘lëpirësit’ kur është në hall të madh…
Prandaj kush është i dobët ose hallexhi në Shqipëri, gjatë kësaj qeverisje, ka vuajtur në ekstrem, nuk ka mundur të zgjidhë asnjë hall, madje është keqtrajtuar dhe është kërcënuar me burgosje sa herë ka tentuar të dalë nga ky grupim për tu shndërruar në qytetar normal..
Kjo shpjegon përse nën drejtimin e Ramës, të fortët e të pasurit vetëm pasurohen, në kurriz të varfërimit gjithnjë e më të thellë të të dobëtëve e të të varfërve…
Sado të përpiqet Rama me mashtrime e marifete, perceptimi masiv qytetar për qeverinë Rama mbetet i njëjtë: QEVERI E SHOKËVE DHE MIQVE TË TIJ TË FORTË, TË KORRUPTUAR, TË INKRIMINUAR…Por këtë rradhë iu kanë rënë bateritë dhe kështu Ramës i ka mbetur vetëm të hajë me të fortët dreka e darka me peshk e verë të shtrenjtë!
Ndoshta ky është opsioni më efikas për ta mundur e goditur në bllok, pavarësisht se mund të duket në pamje të parë një opsion i vështirë për tu realizuar…Sepse nuk ka bllok ‘të fortësh’ që i bën ballë revoltës e zemërimit të ‘të dobtëve’…
