Gara e ethshme e 25 prillit, ku pritet të ngërthejë në një ballafaqim, jo thjeshtë dy formacione politike, por dy mendësi të ndrsyshme qeverisëse. Nga njëra anë Edi Rama, me shpurën e tij kriminale që gjatë 8 viteve të qeverisjes së vendit kanë shkaktuar dëme të mëdha në ekonominë e vendit, si dhe në anën tjetër Lulzim Basha, i cili përpos programit ekonomik që siguron nxjerrjen e Shqipërisë nga kriza e thellë ekonomike, synon të afirmojë një ekip potencial intelektualësh të fushave, si dhe afirmimin e energjive të reja, përmes një mekanizmi përzgjedhës.
Në funksion të kësaj, lideri demokrat, synon të mbajë larg individët e inkriminuar dhe “të fortët” e lagjeve, të cilët e kanë bërë pis Shqipërinë në proceset integruese dhe janë një pengesë e madhe e vlerave dhe principeve të demokracisë.
Për përmirësimin e vazhdueshëm të kësaj ambicie të Bashës për të patur një standard cilësor në tempullin e demokracisë, lideri demokrat ka pohuar se në listat e përfaqësuesve të subjektit të tij politik PD, do të ketë hapësira të konsiderueshme për të rinjtë dhe të rejat.
Duke konsideruar këtë qasje të z. Basha, portali ynë e përgëzon në këtë iniciativë, si dhe ka prirjen të besojë se një finalizim i tillë shtë në të mirë të proceseve demokratizuese.
FRPD-ja, struktura energjike që ka brenda saj resurse njerëzore dhe potenciale të bollshme, është padyshim fidanishtja dhe shkolla e politikanëve dhe lidershpit të ardhshëm të PD. Shumë drejtues degësh, gjatë këtyre 8 viteve janë bërë simbol i rezistencës së megallomanisë dhe arrogancës së qeverisjes, duke dhënë shembullin e. papërkulshmërisë.
Besimplotë se shumë nga drejtuesit e degëve të FRPD do të jenë në listat e zgjedhjeve të 25 prillit si kandidatë të PD, sot do vecojmë njërin prej tyre, atë që shumë të rinjë dhe të reja të qarkut Lezhë, e kanë propozuar për të qenë përfaqësues i tyre.
Mariglend Doçi, kreu i FRPD Mamurras, ka dëshmuar se përvcse i riu ambicioz, që arsimohet dhe fiton një profesion në jetë, është tipikisht njeriu që nuk pajtohet me vendimmarrjet arbitrare të qeverisë në dëm të interesave qytetare.
Kështu, Mariglendin e kemi parë, jo vetëm në protestat e opozitës si përfaqësues dhe mbështetës i saj, por edhe në shumë kauza të tjera, si në mbrojtje të teatrit, etj, ku vazhdimisht ka ngritur zërin e tij dhe ka apeluar për zërin e revoltës qytetare, duke paralajmëruar herë pas here se një neodiktaturë po lind në vend.
I gjendur shpeshherë nën trysninë e bandave qeverisë dhe të segmenteve kriminale të lidhura me pushtetin, kreu i FRPD-Mamurras, me etjen për të parë të realizuar idealet e tij, asnjëherë nuk u tërhoq, por përkundrazi gjeti kurajon dhe qëndroi i palëkundur në mbështetje të kauzave, si dhe vijoi organizimin e të rinjve mamurrzakë në protestat e opozitës.
Me kalimin e viteve, Mariglendi, falë përvojës dhe maturimit të tij, vazhdon të jetë një drejtues i denjë i struktuarev rinore, duke qenë dhe anëtar i kryesisë qendrore të FRPD, dhe së fundmi është nëj nga emrat më të përfolur, si kandidat i mundshëm në listat e PD në zgjedhjet e 25 prilit.
Ky rrugëtim është i natyrshëm për Mariglendin, pasi mbështetja që ai ka në komunitet dhe vecanërisht tek rinia, janë tregues i mjaftueshëm për afirmimin e tij si potencial dinjitoz në përfaqësimin e listës fituese të PD për qarkun e Lezhës.
I urojmë suksese Mariglendit dhe të rinjve të FRPD, të cilët mbajtën të ndezur atmosferën dhe frymën e revoltës ndaj keqqeverisjes së Edi Ramës.
